Kaero

Kaero, (القاهرة āl-Qāhirah en arabeg) eo kêr-benn Ejipt. Tremen 16 milion a dud zo o chom en tolpad-kêrioù (2006), ar pezh a ra da Gaero bezañ ar gêr vrasañ en Afrika hag an hini vrasañ ivez er Reter nesañ.

Kaero diouzh an noz, gwelet eus Tour Kaero.

War lez ar stêr Nil emañ. Nepell alese, er c’hornôg e kaver Gizah pe Gizeh, gant hec’h aspadennoù eus henamzer Ejipt, evel ar piramidennoù.

E-kreiz ar VII^vet kantved e voe savet Kaero gant Amr Ibn al-As, dindan an anv Al-Fustat (فسطاط) en amzer-hont.

Kaero a oa ar gêr nemeti en Afrika ma kaver ur metro; savet ez eus bet unan en Aljer.