Ar C'hotel pe Moger Gornôg pe c'hoazh Moger an Daeloù (((he) הַכּוֹתֶל הַמַּעֲרָבִי, HaKotel HaMa'aravi), anavezet en Islam evel Moger Buraq ((ar) Ḥā’iṭ al-Burāq حَائِط ٱلْبُرَاق Distagadur arabek : ['ħaːʔɪtˤ albʊ'raːq]) zo ur voger e Jeruzalem anezhañ restachoù ur voger vrasoc'h a zouge kostez-kornôg Eil Templ Jeruzalem savet goude labourioù Herodez Veur evit kelc'hiañ gant mein Menez an Templ. Lec'h santelañ ar Yuzevegezh eo abalamour m'eo ar rivin nemetañ eus o Zempl kozh bet distrujet gant ar Romaned, ouzhpenn bezañ nes Menez an Templ. Aotreet eo pediñ er C'hotel, ar pezh n'eo ket gwir evit Menez an Templ abalamour da abegoù politikel (klask a reer delc'her ur status quo e nec'h ar Menez e-lec'h e oa bet savet ur voskeenn gant ar vuzulmaned) kement ha relijiel (n'eo ket aotreet forzh piv en Hael an Haeled ha ne ouezer ket resis ken e pelec'h emañ, dre aon faziañ e oa bet berzet pediñ war krec'h ar Menez gant rabined zo).

Ar C'hotel

En hengoun muzulman eo eno e oa pignet Muhammad war e varc'h askellek da vont d'ar baradoz. Nepell ac'hann, war ar Menez, ez eus bet savet ar voskeenn Al-Aqsa.