Lusifer

Roman deity, angel in Judaism, angels in Christianity, fallen angel
Iskevrennad eus	archangel
Anv er yezh a orin	Lucifer
Mamm	Hausos
Azeulet gant	luciferianism
Studiet gant	Christian demonology

Lucifer zo unan eus an tudennoù a zo liammet ouzh ar blanedenn Gwener er folklor. Diwezhatoc'h e voe enframmet en Tanac'h yuzev hag er Bibl kristen evel unan eus anvioù an diaoul.

Kement ha "douger ar gouloù" e talvez ar ger latin lūcĭfĕr, diwar lux, "gouloù" ha fĕro "dougen" ; hini ar blanedenn Gwener (Gwerelaouen, steredenn ar beure) eo Lūcĭfĕr^[1]. Eosforos (Ἑωσφόρος Heōsphóros, "douger gouloù tarzh-an-deiz") e oa Gwerelaouen e Gwengelouriezh Henc'hres ; φώσφορος Fosforos "douger gouloù" zo unan eus anvioù all Eosforos^[2].

Doue roman

Lūcĭfĕr a oa un doue roman, mab da Aurora (Eos en Henc'hres), doueez tarzh-an-deiz. Par eo da Eosforos ; hervez Ovidius e oa tad Keiks^[3] ha Daidalion^[4].

Lusifer ar gristenien

Gwall bell emañ Lusifer Romaned an Henamzer diouzh Lusifer ar Gristenien.

Abaoe ar Grennamzer e vez lakaet Lusifer d'un « ael diskaret », hañval-bev ouzh Satan, un drougael pe un arc'houere, un enebour d'an doue. Eus levezon al lennegezh kristen e teu kement-se. Hervez ar gristenien ez eo Lusifer un arc’hael eus an Neñvoù ; darn a lavar ez eo Lusifer ur c'herubin^[5], un ael a eil renk en urzhaz kentañ, pe ur serafin^[6], un ael eus an urzhaz kentañ, teir divaskell dezhañ. Lorc’h a vefe bet savet ennañ, hag ar c’hoant da enebiñ ouzh an doue, e grouer. Taolet e voe e-maez eus ar Baradoz a-gevret gant aeled fall all a-seurt gantañ, hag abaoe emaint o redek ar bed-mañ.

Lucifero, gant Francesco Scaramuzza (1803-1886)
Le Génie du Mal, gant Guillaume Geefs (1805-1883)

Notennoù

↑ (la) (fr) Dictionnaire Gaffiot latin-français
↑ Arabat eo droukveskañ Eosforos gant Hesperos (Ἓσπερος Hésperos "eus ar pardaez"), a zo steredenn ar pardaez hag ar Vesper roman.
↑ (la) Metamorphoses, XI:271
↑ (la) Metamorphoses, XI:295.
↑ Eus al latin ilizel cherubin, diwar an hebreeg kerûb ; testeniekaet abaoe ar bloaz 1080.
↑ 1080 ivez ; latin ilizel seraphim, kemeret war-eeun digant an hebreeg.

Commons

Muioc'h a restroù diwar-benn

Lusifer

a vo kavet e Wikimedia Commons.

[1] (la) (fr) Dictionnaire Gaffiot latin-français

[2] Arabat eo droukveskañ Eosforos gant Hesperos (Ἓσπερος Hésperos "eus ar pardaez"), a zo steredenn ar pardaez hag ar Vesper roman.

[3] (la) Metamorphoses, XI:271

[4] (la) Metamorphoses, XI:295.

[5] Eus al latin ilizel cherubin, diwar an hebreeg kerûb ; testeniekaet abaoe ar bloaz 1080.

[6] 1080 ivez ; latin ilizel seraphim, kemeret war-eeun digant an hebreeg.

[1]

[2]

[3]

[4]

[5]

[6]