Mariasun Landa

Mariasun Landa, ganet en Errenteria (Gipuzkoa) d'ar bemp a viz Even 1949, zo ur skrivagnerez euskarek evit ar vugale hag ar grennarded. Gant Bernardo Atxaga eo ar skrivagnerez euskarat a zo bet troet hec'h oberennoù ar muiañ. Kelennet he deus er c'hentañ derez hag er c'hentelioù-noz. Kelenn a ra bremañ e Skol-Veur Euskadi e Donostia.

Mariasun Landa, e 2001

Mariasun Landa (en tu dehoù) gant ur vignonez e Donostia, e miz Eost 2009

Ar skrivagnerez

Un aotreegezh prederouriezh he deus tapet e skol-veur c'hall ar Sorbonne, e Pariz, e 1973. E 1982 e oa bet embannet he levr kentañ, ha tapet ganti ar priz Xabier de Lizardi. Prizioù all he deus bet: Euskadi (1991), Antonio María Labaien (2002), ha White Ravens (2002), gant Elefante txori-bihotza (2001).

En 2003 eo bet loreet he levr Krokodiloa ohe azpian (Ur c'hrokodil dindan ar gwele), skeudennet gant Arnal Ballester, gant ar Premio Nacional de Literatura Infantil y Juvenil, roet gant Ministrerezh ar Sevenadur spagnol. Kentañ tro e oa da loreiñ ul levr euskarek. Troet eo bet hec'h oberennoù en un daouzek yezh bennak, hag en holl yezhoù ar stad spagnol.

Abaoe 2007 eeo ezel eus Jakiunde.

Hec'h oberennoù

He levrioù euskarek (ha brezhonek)

Sed amañ roll hec'h oberennoù

• Amets uhinak (1982, Elkar)
• Kaskarintxo (1982, Elkar)
• Elixabete lehoi domatzailea (1983, Elkar)
• Partxela (1984, Elkar)
• Txan Fantasma (1984, Elkar)
• Josepi dendaria (1985, Elkar); Stal Pepa, An Here, 1993.
• Izar berdea (1985, Elkar); Ar Steredenn wer (An Here).
• Errusika (1988, Elkar)
• Iholdi (1988, Erein)
• Izeba txikia (1988, Erein)
• Maria eta aterkia (1988, Elkar)
• Aitonaren txalupan (1988, Elkar)
• Irma (1990, Elkar)
• Alex (1990, Erein)
• Kleta bizikleta (1990, Elkar)
• Potx (1992, Elkar)
• Julieta, Romeo eta saguak (1994, SM)
• Nire eskua zurean (1995, Erein)
• Ahatetxoa eta sahats negartia (1997, Elkar)
• Katuak bakar-bakarrik sentitzen direnean (1997, Anaya)
• Sorgina eta maisua (2000, Elkarlanean)
• Amona, zure Iholdi (2000, Erein)
• Elefante txori-bihotza (2001, Anaya). Olifant Kalon-Evn, 2010.
• Galtzerdi suizida (2001, Elkarlanean). Ma buhez berrloer, 2011.
• Krokodiloa ohe azpian (2002, Alberdania)
• Haginak eta hilobiak (2005, Erein)
• Festa aldameneko gelan (2007, Erein)
• Ipurtargiak paradisuan (2010)

E brezhoneg

Daou levr zo bet lakaet e brezhoneg gant Gwenael Emelyanoff hag embannet gant An Here.

• Stal Pepa
• Ar steredenn wer

Tri levr all zo bet troet gant Mark Kerrain:

• Olifant Kalon-Evn
• Ma Buhez Berrloer
• Ar C'hwenenn a felle dezhi mont da gorollerez (2014)

E galizeg

E Galiza ez eus bet embannet pemp eus he levrioù gant Editorial Galaxia: Irma hag A tenda da Pepa, Un crocodilo debaixo da cama, ha Chan, a pantasma.

E spagnoleg

Troet eo bet tost an holl levrioù euskarek. Hag ouzhpenn:

• La Fiesta en la habitación de al lado. Un danevell eus he buhez e Pariz e 1968.

E galleg

N'eus bet embannet nemet daou levr e galleg, e Suis. Ne seblant ket embannerien Pariz bout troet gant he labour, evel gant al lennegezh nannsaoznek alies, ha gant skrivagnerien euskarek nebeutoc'h c'hoazh.

• Iholdi et autres histoires, La Joie de lire, Jeneva, Suis, 2001.
• Les Secrets d'Iholdi, La Joie de lire, 2009

E saozneg

• The Dancing Flea.
• Karmentxu and The Little Ghost

E yezhoù all

• Troet eo bet he levrioù e meur a yezh all, ouzhpenn ar re meneget uheloc'h: albaneg, arabeg, gresianeg, koreaneg, ruseg, sloveneg, ivez.

Prizioù

• Priz Dabilen Elea 2011
• Priz Eusko Ikaskuntza Laboral Kutxa 2014 : http://www.gentedigital.es/san-sebastian/noticia/1418421/mariasun-landa-y-jean-baptiste-orpustan-reciben-el-premio-eusko-ikaskuntza-laboral-kutxa-de-humanidades-2014/

Liammoù diavaez

• (eu) (es) (en) Gwivan ha weblec'hienn an oberourez: [1]
• (eu) Elkarrizketa Argia astekarian
• (eu) Mariasun Landa literaturaren zubitegian
• (eu) Mariasun Landa en ur gaozeadeg en ur c'hlas
• (en) [Pennad-kaoz ganti, e saozneg]
• (es) [Pennad diwar he fenn e spagnoleg]
• (es) Enor da Variasun Landa, e Gouhere 2015 : [[2]]