Marlin Model 60
Ar Marlin Model 60, anvet ivez Marlin Glenfield Model 60, zo ur garabinenn stadunanat damaotomatek kambret e .22 Long Rifle. Produet eo bet da gentañ gant Marlin Firearms e North Haven (Connecticut) ha goude gant Remington e Huntsville (Alabama) hag e Mayfield (Kentucky) eus 1960 betek 2020. Ar Marlin Model 795 zo deveret eus ar Model 60. Unan eus an armoù-skoaz gwerzhet ar muiañ er bed en e galibr eo.
| Marlin Model 60 | |
|---|---|
 Ur garabinenn Marlin Model 60 en he stumm orin (1960-1985) | |
| Kinnig | |
| Bro |  Stadoù-Unanet Amerika
|
| Doare | Karabinenn damaotomatek |
| Mont en-dro | Tennata dre argil |
| Munisionoù | .22 Long Rifle |
| Produerien | Marlin Firearms Remington |
| Bloavezh krouidigezh | 1960 |
| Mare produiñ | 1960 - 2020 |
| Skouerennoù produet | Ouzhpenn 11.000.000 |
| Pouez ha muzulioù | |
| Mas | 2,5 kg |
| Hirder | A-raok kreiz ar bloavezhioù 1980 : 1.029 mm Goude : 953 mm |
| Hirder ar c'hanol | A-raok kreiz ar bloavezhioù 1980 : 559 mm Goude : 483 mm |
| Perzhioù all | |
| Tizh mont e-maez ar boledoù | 390 m/s |
| Endalc'h | Karger korzennek A-raok kreiz ar bloavezhioù 1980 : 17 tenn Goude : 14 tenn |
| Lezenn | |
| Rummad e Bro-C'hall | B |
Istor
kemmañSavet e oa bet ar Model 60 gant Ewald Nichol e 1959 diwar ar garabinenn Marlin Model 99 produet etre 1959 ha 1961. Implijout a rae ar Micro-Groove brevedet gant Marlin, da lavaret eo rizennoù bihanoc'h er c'hanol a oa sañset lakaat an arm da vezañ resisoc'h[1].
Meur a stumm eus ar Model 60 zo bet abaoe 1960, met e 1985 e oa bet degaset ar cheñchamantoù pouezusañ : ur c'harger korzennek berroc'h (14 kartouchenn ennañ e-lec'h 17) hag ur morailh a chome hanter-zigor pa oa goullo ar c'harger.
11 milion a garabinennoù Model 60 zo bet gwerzhet abaoe 1960 hervez Marlin[2]. Un arm poblek eo e Stadoù-Unanet Amerika evit an dudiamant pe chase al loened gwelet evel noazus[1].
E 2020 e voe gwerzhet Marlin da Sturm, Ruger & Co. pa reas Remington freuz-stal. Un harz a voe lakaet war broduiñ ar Model 60, dre ma oa e kevezerezh gant ar Ruger 10/22.
Perzhioù nesañ
kemmañ
- karabinenn damaotomatek kambret e .22 Long Rifle
- karger korzennek 17 tenn (a-raok 1985) pe 14 tenn (goude 1985)
- lamm e koad stumm Monte-Carlo
- mas : 2,5 kg
- hirder : 1.029 mm (a-raok 1985), 953 mm (goude 1985)
- hirder ar c'hanol : 559 mm (a-raok 1985), 483 mm (goude 1985)
- kouch a c'haller reoliañ
- boutoñs-surentez a-dreñv d'an draen
Stummoù
kemmañ- Model 60 (stumm orin)
- Model 6082, stumm 1982 e koun an U.S. Cavalry
- Model 60C, liv darguzhat
- Model 60SN, dezhi ul lamm e gwienn-wer
- Model 60SB, e dir divergl
- Model 60DL, gant ul lamm koad kraoñ
- Model 60SS
- Model 60SSK
- Model 60S-CF
- Model 60DLX
Daveennoù
kemmañ- ↑ 1,0 ha1,1 (fr) McNAB Chris, Armes à feu Encyclopédie visuelle, L'Imprévu, 2022, p.152
- ↑ (en) Pajenn Rimfire war lec'hienn Marlin Firearms (lennet d'an 20/01/2024)
