Muiden

	Muiden
	Muiden
Banniel	Ardamezioù
Riez	Izelvroioù
Rannvro	Holland
Proviñs	Noor-Holland
	Melestradurezh
Kumun	Goise Meren
Kod post	1398 & 1399
	+(31)
	Douaroniezh
	; Lec'hiadur Muiden
Gorread; Douar; Dour	36,49 km²; 14,45 km²; 22,04 km²
Hedred	05° 04' R
Ledred	52° 20' N
Uhelder	keitat: 0 m
	Poblañs
Poblañs; hep kontoù doubl	6 261 (MAE 2014)
Stankter	433 a./km²
	Lec'hienn ofisiel

Muiden (distagadur da selaou ) zo ur gêr e proviñs Noord-Holland en Izelvroioù. E genoù ar stêr Vecht emañ, en ul lec'h anvet Vechtstreek.
Ur gumun e oa gwechall ; un tamm eus kumun Goise Meren eo hiziv.

Istor

Ar roud kentañ eus Muiden a zo deiziet e 953, pa roas Otto Iañ, impalaer santel da grouiñ ar gêr. D'ar mare-se e oa anvet Amuda, da lavaret eo "genoù ar (stêr) A". "A" a oa anv kozh ar stêr Vecht.

E 1122 e voe roet un nebeud gwirioù-kêr da VMuiden ha da Utrecht gant an impalaer Herri V,impalaer santel. An douaroù tro-dro da vMuiden a voe roet d'ar c'hont Floris V, hag e stagas gant sevel Kastell Muider e genoù ar stêr Vecht. E 1296 e voe roet gwirioù-kêr en-dro da vMuiden.

E 1673 e voe kaset skluzioù ar stêr Vecht da vMuiden ha brasaet ha kreñvaet (ur voger a voe savet e genoù ar stêr Vecht) e voent e 1676 evit ma ne vefe ket beuzet Muiden.

Mogerioù-kreñv

Ar mogerioù-kreñv kentañ a voe savet e-pad lodenn gentañ ar XV^vet kantved. E 1590 e voe savet savennoù-douar da gemer plas ar mogerioù. Ramparzhioù a voe savet ivez, an holl draoù-se a voe aozet diwar ur steuñv gant Adriaen Anthonisz. Muiden a oa e penn norzh an Nieuwe Hollandsche Waterlinie. E-pad ar brezel etre Frañs ha Prusia e 1870 e voe kresket c'hoazh Stelling van Amsterdam, ha savet e voe Muizenfort ha kazarnioù Vestingplein. Holl aozadur ar mogerioù a voe kreñvaet ivez.

Lec'hioù dibar

Muiderslot

Muiderslot (kastell Muider), ur gastell eus ar Grennamzer
Muizenfort, mogerioù-kreñv eus an XIX^vet kantved, ul lodenn eus Stelling van Amsterdam e oa
Enezenn Pampus Island, un enezenn artifisiel hag a oa ivez ul lodenn eus Stelling van Amsterdam. Kreñvlec'h Pampus a voe savet etre 1887 ha 1897. Asambles gant tour-tan Durgerdam ha chaoser-difenn Diemer e oa unan eus difennoù genoù an IJ ahag eus re porzh Amsterdam.

Al labouradeg poultr

E 1702 e voe divizet chom a-sav gant produiñ poultr en Amsterdam. Vroedschap (kuzul-kêr) Muiden a roas aotre da Reinier van Cuyk eus Amsterdam da sevel ul labouradeg poultr e kornôg Muiden er memes bloavezh. Berzh a reas al labouradeg betek ar Brezel-Bed kentañ ha serret e 1919, a-raok bezañ digoret en-dro e 1922. A-hed an XX^vet kantved ez eas war gresk ar produiñ, tra ma kreske kêr Muiden war-du al labouradeg. E 1972 e voe anvet "Muiden Chemie". Reuz a savas er bloavezhioù 1980, pa voe lavaret e veze kaset poultr da Iran diaotre. Mont a reas ar stal da netra e 1990 hag adprenet e boe gant Britse Royal Ordnance, ur skourr eus British Aerospace. Goude un tan-gwall e 2001 e voe paouezet d avat gant ar produiñ poultr.

Tarzhadennoù abaoe 1883^[1]:

9 a viz Genver 1883 : tarzhadenn el labouradeg, 13 den marv, distruj el labouradeg hag e Muiden
1886 : tarzhadenn, 2 zen marv, ul lodenn eus al labouradeg a voe distrujet
1924/1925 : meur a darzhadenn, 1 den marv
17 a viz Genver 1947 : tarzhadenn greunadennoù, 17 den marv, kalz distruj e Muiden
1948 : tarzhadenn ur c'hreunadenn, 1 den marv
1949 : tarzhadenn poultr, 1 den marv
13 a viz Even 1963 : tarzhadenn el lec'h ma veze stoket an traoù
2 a viz Even 1966 : tarzhadenn el labouradeg TNT, meur a zen gloazet ha kalz distruj e Muiden
8 a viz Kerzu 1972 : tarzhadenn er sal-sec'hiñ, 2 zen marv, lakz distruj e Muiden
30 a viz Mae 1983 : tarzhadenn, 3 den marv
9 a viz Gwengolo 1983 : tarzhadenn, 1 den marv
20 a viz Eost 2001 : tan-gwall er sal-pakañ