Nous te ferons Bretagne
(Adkaset eus Ni ho savo Breizh)
"Nous te ferons Bretagne", pe Ni ho savo Breizh, eo anvioù ofisiel al listenn kinniget gant Christian Troadec, maer Karaez, ha Strollad Breizh e dilennadeg rannvro 2010, e pemp departamant Breizh. Graet e vez gant an div yezh e-pad ar c'houlzad evit klotañ ouzh ar garta Ya d'ar brezhoneg bet sinet gant Strollad Breizh e 2009.
Tapet eo an anv eus ur varzhoneg c'hallek skrivet gant Xavier Grall hag a veze distaget gant Katell, gwreg Glenmor, e-pad abadennoù Glenmor er bloavezhioù 1970.
Pennoù al listenn Ni ho savo Breizh e pep departamant :
- Il-ha-Gwilen : Emile Granville, eil-maer Redon, mouezh-aotret Strollad Breizh,
- Liger-Atlantel : Jacky Flippot, bet eil-maer Blaen, ezel eus Strollad Breizh,
- Morbihan : Christian Derrien, maer Langoned, tu-kleiz liesseurt,
- Penn-ar-Bed : Christian Troadec, maer Karaez-Plougêr, kuzul rannvro Breizh, tu-kleiz liesseurt,
- Aodoù-an-Arvor : Jean-Yves Callac, kuzulier-kêr e Lannuon, tu-kleiz liesseurt.