Blaen

Ur pennad Blaen (Kembre) zo ivez.

Blaen a zo ur gumun a Vreizh, e Liger-Atlantel, e gevred ar vro.

Blaen
An ti-kêr
Bro istorel	Naoned
Melestradurezh
Departamant	Liger-Atlantel
Arondisamant	Kastell-Briant-Ankiniz
Kanton	Blaen (pennlec'h)
Kod kumun	44015
Kod post	44130
Maer Amzer gefridi	Jean-Michel Buf 2014-2020
Etrekumuniezh	Kumuniezh kumunioù Bro Blaen
Lec'hienn Web	http://www.ville-blain.fr/
Poblañsouriezh
Poblañs	10 086 ann. (2020)
Stankter	99 ann./km²
Douaroniezh
Daveennoù lec'hiañ	47° 28′ 37″ Norzh 1° 45′ 44″ Kornôg
Uhelderioù	bihanañ 7 m — brasañ 44 m
Gorread	101,72 km²
Blaen

Douaroniezh

40 km eus Naoned emañ Blaen, war ribloù Kanol Naoned-Brest hag e-kichen Koad ar C'havr.

Tro-dro emañ kumunioù Faouell, Kernitron-al-Lann, Hierig, Kergaval, Kerrigon, Gwez, Gavr, Gwenred ha Bolvronn.

Stêr an Izar a rede dre ar gumun met ne chom un nebeud arroudennoù ken dre ma voe kemeret he naoz d'ober Kanol Naoned-Brest.

Hervez an niveridigezh ziwezhañ e 1999 ez eus 7731 annezad e Blaen. Hiziv avat, gant pikol kresk ar boblañs, e vrasjeder eo bet tizhet ouzhpenn 9200 a annezidi.

Dre garr emañ Blaen da 25 munut eus trowardroioù Naoned, da 50 munut eus Roazhon, da 20 munut eus Savenneg ha da 45 munut eus Sant-Nazer.

Anv

• Erwan Vallerie ː Bableni, 1123; Blaing, 1148; Bleyng, 1254; Blen, 1287; Blain, 1341; Bleingn, 1345; Blein, 1355; Blaign, 1381; Blein, 1406; Bleign, 1407; Blaign, 1453; Blain, 1515; Bleing, 1519; Belain, 1630

Ardamezioù

Brizhet etre argant ha glazur, e greskenn en gul

Implijet adalek 1924. Digemeret gant Kuzul ar Gumun e 1967.

Ardamezioù Guy de Blain (siell 1293), bet douget e-kerzh Kroaztdegioù gant baroned Pontkastell, ha degouezhet d'ar skourr yaouankañ familh Blaen. Kadarnet gant ar roue pa-z eo bet savet Blaen da varkizelezh

Istor

Dispac'h Gall

• Krouet e voe kumun Blaen e 1790 diwar ar barrez katolik. Lakaet e voe da benn Kanton Blaen. Gant al lezenn eus an 26 a viz C'hwevrer 1790 e voe lakaet Blaen da benn Bann Blaen hag e 1800 e voe lakaet en Arondisamant Savenneg.

XX^vet kantved

Brezel-bed kentañ

• Mervel a reas 225 gwaz abalamour d'ar brezel, da lavaret eo 3,39% eus ar boblañs e 1911.

Eil brezel-bed

• Mervel a reas 127 den abalamour d'ar brezel.

Trevadennoù

• Brezel Indez-Sina: mervel a reas daou vilour eus ar gumun hervez monumant ar re varv.

Darvoudoù sport a bep seurt

• 
  Roger Rivière ouzh un timbr bet embannet gant Ajman e 1972.

• 30 a viz Mezheven 1959 : 6vet tennad-hent Tro Bro-C'hall etre Blaen ha Naoned (a-benn d'an eur) ; trec'h eo Roger Rivière.

• 
  Bazh-yod.

• 6 a viz Eost 2017: Kampionad C'hoarioù Nerzh.

Brezhoneg

• Panelloù divyezhek zo e mont-tre ar gumun abaoe 2002. Kentelioù brezhoneg zo bet e-pad pell e skolaj publik ar gumun.
• E distro-skol 2023 e oa enskrivet er skol Diwan hag er c'hlasoù divyezhek 43 skoliad (3,1 % eus skolidi ar gumun evit a sell ouzh ar c'hentañ derez).

Monumantoù ha traoù heverk

• 
  Kastell Blaen.

• Kastell La Groulais.

• 
  Iliz katolik Sant Emilian ha Sant Laorans.

• Iliz katolik Sant Emilian ha Sant Laorañs, luc'hskeudenn.

• 
  Chapel Sant Rok.

• Chapel Sant Rok, luc'hskeudennoù.
• Iliz katolik Sant Emilian, luc'hskeudennoù.
• Iliz katolik Sant Omer, luc'hskeudennoù.
• Monumant ar re varv, luc'hskeudenn.

Pelec'h emañ Blaen e departamant al Liger-Atlantel.

Emdroadur ar boblañs abaoe 1793

Tud

• François Durand, selaouer ouzh Kambr ar C'hontoù Breizh e 1552
• Louis Bizeul (1785-1861), istorour hag arkeologour,
• Victor Iturria ( -1944), soudard euskarat, meneget e anv war monumant Sara (Lapurdi),
• Jacky Flippot, emsaver hag eil-maer.

Ardamezeg ar familhoù

	Amproux Geotet e deir daerenn en argant. [PPC]
	Bidé de la Bidéaie En argant, e leon en sabel, krabanek ha teodek en gul, eilet ouzh konk 1 gant ur greskenn en glazur, ouzh konk 2 gant ur steredenn en gul, hag ouzh beg gant un eil steredenn en gul. [PPC]
	de Blain Brizhet etre argant ha glazur, e greskenn en gul (siell 1225). [PPC]
	Durand Aotrounez Pont-Piétin En argant e nav talbennan en sabel, 3, 3, 3

Liammoù diavaez

• (br) Blaen war lec'hienn Geobreizh
• (fr) Lec'hienn ofisiel

Levrlennadur

• Louis Bizeul, Dictionnaire du patois du canton de Blain, 1988
• Gérard Locu, Blain et sa région : aperçu historique et touristique, 1975