Niger (stêr)
- Evit Bro-Niger, gwelit ar pennad Niger.
Evit sterioù all ar ger Niger, gwelit ar pennad Niger (disheñvelout).
Ar stêr Niger eo stêr vrasañ kornôg Afrika, hag an trede stêr hirañ er c'hevandir : 4 183 km eo he hed.
Emañ eien an Niger e menezioù Ginea, e-kichen an harzoù gant Sierra Leone. Goude-se e red e zourioù war-zu ar biz, dre Vali, hag ar gevred goude-se dre Niger ha Nigeria. En em deurel a ra ar stêr er mor e Pleg-mor Ginea dre un delta ec'hon, ha meur a vrec'h zo dezhi neuze.
Roet en deus e anv da ziv stad : Niger ha Nigeria. Tremen a ra ar stêr dre veur a gêr vras : Bamako ha Timbuktu (Tombouctou) e Mali, Niamey e Niger, hag Onitsha e Nigeria.