Omnes

Omnes zo un anv-badez brezhonek kozh, hag ur ger latin.

E latin

Omnes zo ur raganv latin hag a dalv kement hag « (an) holl »; e gavout a reer e lavaredoù evel :

• Extra omnes ! « An holl er-maez ! ».
• Bellum omnium contra omnes « brezel an holl a-enep an holl », implijet gant ar prederour Thomas Hobbes.
• Omne datum optimum, un embann pabel eus an 29 a viz Meurzh 1139 gant ar pab Inosant II
• Adversus omnes haereses
• Erga omnes
• Etiamsi omnes, ego non, lavarenn latin diwar Aviel Mazhev
• Orientales Omnes (23 a viz Kerzu, 1945), ul lizher meur digant ar Pab Pi XII da fideled an Iliz katolik gresian eus Bro-Ukrainia.
• Unus pro omnibus, omnes pro uno, lugan An Tri Mouskeder e romant Alexandre Dumas, a zo ivez lavar-stur Suis.

E brezhoneg

Ardamezioù an tiegezh Omnes

Un anv-badez eo Omnes (Omnès hervez an doare gallek, Omnesius e latin), deuet marteze diwar ul lesanv, hag aet da anv-tiegezh. E kartular Redon eo e kaver ar stumm latin Omnesius, met n'ouzer ket a belec'h e teu; martezeadennoù zo bet savet, ha lod savet diwar faltazi.

Hervez Albert Dauzat, ar yezhour gall a skrive e-barzh Le Monde a-enep ar yezhoù rannvroel e 1951, e vije bet lesanv ur c'holist a gare kanañ ar salm 47 hag a grog gant « Omnes populi… ».

Ur vartezeadenn siriusoc'h zo, diazezet war ar ger kembraek efnys, « konnaret, enebet ».

Tud

• Omnes (war-dro 1000), eskob Leon,
• Ivonet Omnes (XIV^vet kantved), kloareg breizhat, a skrivas ur varzhoneg karantez e krennvrezhoneg, gant enklotennoù;
• Robert Omnes(1930) : yezhour, kelenner skol-veur, maer Ploveilh,
• Philippe Omnès (1960) : klezeiataer gall 2005.
• Roland Omnès (1931 - ) : fizikour gall.

Lec'hanvadurezh

Diwar an anv Omnes eo savet an anv-lec'h Keromnes, deuet da vout anv-tiegezh.

Lec'hioù

• Keromnes, e Karanteg

Eus Omnes an toger d'an omnibus

Stanislas Baudry, bet ofiser en arme Naoleon, a grouas ur gompagnunezh e Naoned gant daou garr sachet gant kezeg a c'halle dougen 16 den. Dont a ra an anv Omnibus eus an arsav graet gant ar c'hirri dirak stal an toger Omnes, el leurgêr Port-au-Vin, hiziv Leurgêr ar C'henwerzh.
Mont a raio Stanislas Baudry goude da Bariz ma tigoro ur rouedad 18 linenn a girri-boutin.