Anvioù-badez brezhonek
An anvioù-badez brezhonek zo meur a seurt anezho.
Rummadoù anvioù kemmañ
- Da gentañ ar re zo gwir anvioù-badez : Yann, Tangi, Frañsez, Roparzh, Lusia, Juluan, Filomena,
- Da eil stummoù bihanaet evel Fañch, Soaig, Soaz, Jañmai, Marjan, Loull, Biel, Pipi, Job, Jos, Nol, ha nouspet all.
Kent an XXvet kantved ne oa ket nec'het ar bobl gant an traoù skrivet. Ar re ne ouient ket lenn ne ouient ket pe anv e oant lakaet en ti-kêr, ha ne gave ket dezhe o doa ezhomm da c'houzout.
Orin kemmañ
An anvioù-badez brezhonek zo anvioù a orin liesseurt:
- a orin keltiek, da-heul anvioù ar sent vrezhon, evel Derc'hen, Tangi, Ronan, Herve, Konan, Nolwenn, Riwanon;
- a orin hebreek evel Yann, Jakez, Mari, Mazhev, Mikael, Jozeb, Deniel,
- a orin germanek, evel Bernez, Charlez, Erik, Herri, Roparzh, Loeiz, deuet eus ar frankeg, pe diwezhatoc'h eus ar galleg;
- a orin latin, evel Ambroaz, Anton, Gregor, Lusia, Marzhin, Paol, Pêr, Rozenn.
- a orin gallek, evel Janed, Dominig.
- a orin italianek, evel Frañsez.
- a orin gresianek, evel Denez, Andrev, Aleksandr, Nicolas, Olimp, Teofil.
An anvioù a orin keltiek kemmañ
Peurvuiañ int anvioù brezhonek o tont eus anvioù sent vrezhon: Tangi, Maloù ... A-wechoù e c'hallont bezañ anvioù iwerzhonek, evel Ronan, Brendan. Ar re-se eo ar re a vez roet stankoc'h bremañ, hervez un doug nevez d'ar geltelezh pe d'ar gwrizioù istorel breizhek.
A-wechoù e soñj d'an dud int keltiek pa n'int ket, evel an anvioù Enora ha Padrig, a orin latin. Met an anvioù-tud zo evel ar gerioù: n'eo ket peogwir n'int ket keltiek n'int ket brezhonek, ha brezhonekaet int bet abaoe 13 pe 14 kantved, tre evel ma'z eo bet iwerzhonekaet an anv Padraig, pe saoznekaet an anvioù a orin latin Anthony, Lucy, Martin, evel a c'hoarvezas en holl yezhoù Europa.
An anvioù a orin hebreek kemmañ
Deut int dre ar Bibl, hag ar skridoù relijiel.
An anvioù a orin germanek kemmañ
Deut int dre ar galleg, diwar an hengoun frankek diazezet pe e Breizh Uhel, pe en Anjev, pe e Normandi.
Kevredigezh kemmañ
Enebiezh ouzh an anvioù-badez brezhonek kemmañ
Ne blij ket d'ar stad c'hall na d'ar gelennerien war ar gwir anvioù-badez brezhonek zo[1]. Gwelout Afer Fañch.
Pennad kar kemmañ
Levrlennadur kemmañ
- Mikael Madeg, P. Pondaven, Y. Riou, Anoiou badiziant Bro Leon, Saïg, Rozali hag ar re all..., Emgleo Breiz, Sant-Tounan, 2006
- Gwennole ar Menn, Grand choix de prénoms bretons, Coop Breizh.
- Gwennole ar Menn, Les noms de famille les plus portés en Bretagne (5000 noms étudiés), Coop Breizh.
- Gilles et Bleuzen Du Pontavice, Les prénoms en Bretagne, Ouest-France, 1999.
- Albert Deshayes, Le petit livre des prénoms celtiques et bretons, Chasse-marée, Douarnenez, 2007.
- Alain Stéphan, Tous les prénoms bretons, Gisserot.