Tangi
Tangi zo un anv-badez brezhonek a zo bet roet stank a-walc’h a-hed an amzer. Un anv brezel kozh eo, graet gant ar gerioù ki ha tan. Anavezet eo ivez evel anv-tiegezh, skrivet en doare gallek Tanguy.
Adstummoù kemmañ
E galleg e vez skrivet Tanguy peurvuiañ, met Tanneguy zo bet skrivet ivez.
Istor kemmañ
Aotrouien Tremazan zo bet meur a Dangi en o zouez, ha marteze an hini a savas ar voudenn anvet Tour Tangi e Brest.
Tud kemmañ
Anv-badez kemmañ
Breizh
kemmañ
- sant Tangi, manac'h en abati Lokmazhe er VIvet kantved,
- Tanneguy du Chastel, anv tri brezelour er Grennamzer
- Tangi Gwegen, beleg e Montroulez ha skrivagner brezhoneg e deroù ar XVIIvet kantved
- Tangi ar Yaouank (1759-1811), kelenner
- Tangi Malmanche (1875-1953), skrivagner brezhonek a oa lorc’h ennañ gant e anv[1]
- Tanguy Peyretout, brezhoneger yaouank eus Gwezin (Bro-Roazhon) ha kelenner skol-noz, en em lazhet abalamour d'an enebiezh ouzh ar brezhoneg en e diegezh
- Tangi Louarn, prezidant Kuzul Sevenadurel Breizh e 2009
- Tangi Merien (g. e 1987), aktour
Bro-C'hall
kemmañ
- Tanneguy Le Fèvre (1615-1672), studiour yezhoù ha troer
- Tanguy Ndombele (g. 1996) melldroader
- Tanguy Kouassi (g. 2002), melldroader
Anv-tiegezh kemmañ
Un anv-tiegezh eo ivez, skrivet Tanguy hervez doareoù-skrivañ ar galleg.
Breizh
kemmañ
- an tad Tanguy (1825-1894), marc’hadour livioù ha taolennoù
- Jorj Tangi, skrivagner brezhonek
- Henri Rol-Tanguy (1908-2002), rezistant a gemeras perzh bras e dieubidigezh Pariz e 1944
- François Tanguy-Prigent, rezistant, ministr, ezel an SFIO
- Yves Tanguy, livour stadunanat a orin breizhat
- Hélène Tanguy, bet kannadez, maer ar Gelveneg , UMP
- Bernard Tanguy (1940-2008), lec'hanvadurour hag enklasker er CNRS
- Lukian Tangi, skrivagner brezhonek
- Bernez Tangi, barzh
- Lan Tangi, e vreur, barzh, kelenner gant Roudour
- Xavier Tanguy (g. 1980), kizeller
Bro-C'hall
kemmañ
Anaout a reer dreist-holl :
- Charles Tanguy, sonaozour gall eus an XIXvet kantved, aet da Ganada
- Laura Tanguy, ur plac'h eus Añje he deus klasket bout Miss World e 2008
- Eric Tanguy, sonaozour
Sevenadur kemmañ
Lennegezh kemmañ
- Tangi Kerviler, romant gant Roparz Hemon
- Tanguy, romant kentañ ar skrivagner gallek Michel del Castillo e 1957.
- ar rummad bannoù-treset Tanguy et Laverdure.
Sinema kemmañ
- Tanguy, ur film gall gant Etienne Chatiliez e 2001, ha Tanguy, la suite e 2019. Deuet eo Tanguy da vezañ e galleg lesanv ur paotr gour hag a chom da vevañ e ti e zud.
Lec'hanvadurezh kemmañ
- an anv Kerdangi
- an Tour Tangi e Brest
- kêrioù en Afghanistan, India, Iran ha Pakistan
Notennoù kemmañ
- ↑ "Je ne dis pas que, parce que je m'appelle Tanguy, j'ai composé des drames bretons; je dis seulement que je n'aurais peut-être pas eu le courage de les écrire si je m'étais appelé Célestin".