Broioù al Liger

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Broioù al Liger
Anv gallek (ofisiel)	Pays de la Loire
Melestradurezh
Riez	Frañs
Pennlec'h (prefeti)	Naoned
Prezidant(ez) ar c'huzul-rannvro Amzer gefridi	Christelle Morançais 2015-2028
Prefed(ez)	Didier Martin
Kod INSEE	52
Lec'hienn web	http://www.paysdelaloire.fr/
Poblañsouriezh
Poblañs	3 832 120 ann. (2020)
Stankter	119 ann./km²
Douaroniezh
Kenurzhiennoù	47° 12′ 41″ Norzh 1° 31′ 31″ Kornôg
Gorread	32 082 km²
Adrannoù
Departamantoù	Liger-Atlantel, Vande, Mayenne, Sarthe, Maine-et-Loire
Niver arondisamantoù	16
Niver kantonioù	107
Niver etrekumuniezhioù
Niver kumunioù	1 238

Broioù al Liger pe Pays de la Loire (hervez an anv ofisiel) zo unan eus rannvroioù Bro-C'hall, krouet gant ar gouarnamant gall e 1955, war-lerc'h ur rannvro velestradurel krouet e 1941. Pemp departamant zo bodet enni : Maine-et-Loire, Sarthe, Mayenne, Vande ha Liger-Atlantel. Da lavarout eo emañ e-barzh ar memes rannvro:

• lodenn greisteiz Breizh,
• ar proviñsoù gall Anjev (departamant Maine-et-Loire hiziv) ha Maine (departamantoù Mayenne ha Sarthe bremañ),
• lodenn gwalarn Poatev, gant departamant ar Vande.

Orin ar rannvro

E-pad an Dispac'h Gall, d'ar 4 a viz Meurzh 1790 e voe rannet Breizh e pemp departamant : Morbihan, Finistère, Côtes-du-Nord, Ille-et-Vilaine ha Loire-Inférieure.

E 1941 e voe krouet div rannvro gant an dekred Pétain-Darlan :

• ur rannvro Bretagne, hep al Loire-Inférieure
• ha rannvro al Liger, Añje he c'hêr-benn, gant al Loire-Inférieure met hep ar Vendée ha gant an Indre-et-Loire.

Er bloavezhioù 1960 ha 1970 e teu da vezañ ur rannvro velestradurel hep goulenn meno ar geodederien nag hini an dilennidi.

Brudañ ar rannvro

Broioù al Liger a vije ar rannvro c'hall hag a zispign ar muiañ evit en em vrudañ. ^{(Daveoù a vank)} Ur skoed ardamez zo bet krouet, met n'en deus reizhegezh istorel ebet. N'eus ket pell ez eus bet ijinet ul logo nevez ivez.

Kalz burutelladennoù zo diwar he c'hont. Ar gevredigezh, Breizh Adunvan, a stourm evit adunvaniezh Breizh abaoe ar bloavezhioù 1970.

An diversivie eo anv he c'houlzad ziwezhañ, diwar-benn liested ar rannvro.

• 
  Skoed

Klask gwrizioù Broioù al Liger en Istor

Ar proviñsoù gall ha broioù al Liger.

Hervez darn e oa dija eus Broioù al Liger en amzer ar C'halianed: [1]

Broioù al Liger war ar c'hirri-tan

Abaoe m'eo kemmet ar plakennoù kirri-tan e vez lakaet arouez rannvro Broioù al Liger war girri Bretoned Bro-Naoned, met ingalet ez eus bet ivez gant emsaverien pegsunioù war skouer reoù rannvro Breizh da begañ war-c'horre.

2018 : ur gêriadenn tennet digant Broioù al Liger evit he lakaat er Rannvro Breizh

• D'an 1 a viz Genver 2019 e voe tennet La Lamberdais digant Broioù al Liger ha staget ouzh Breizh.

Levrlennadur

• François Lebrun, Histoire des Pays de Loire, éd. Privas, coll. Univers de la France, 1972. Abaoe 1972 eta e vez klasket brudañ ar broioù-se.

Liammoù diavaez

• Lec'hienn ofisiel Broioù al Liger
• Lec'hienn Breizh Adunvan
• Lec'hienn ar stroll 44=BZH
• Brezel etre Breizh ha Pays de la Loire, hervez ar gazetenn ouest-France