Poznań

Poznań (distaget [ˈpɔznaɲ] e poloneg, Posen en alamaneg) zo ur gêr eus kornôg Polonia, war lez ar stêr Warta, ha pempvet kêr vrasañ Polonia eo hiziv. Ouzhpenn 546 500 annezad zo o chom enni (niveradeg 2014). Unan eus kêrioù koshañ Polonia eo, hag ur greizenn a bouez evit ar velestradurezh, ar c’henwerzh hag an deskadurezh.

Ti-kêr Poznań

Kêr-benn istorel proviñs Polonia Vras eo bet. Goude bezañ bet e rouantelezh Polonia, eo bet Poznań e Prusia, en XIX^vet kantved, hag en Alamagn da c’houde, betek 1918 (war-bouez un nebeud bloavezhioù etre 1806 ha 1815 pa oa e dugelezh Polonia).

Unan eus koshañ ilizoù-meur Polonia eo hini Poznań hag enni e voe beziet un toullad rouaned ha duged eus Polonia (Mieszko Iañ, Bolesław Iañ, Kazimir Iañ, Przemysł Iañ, Przemysł II).

D’an 28 a viz Mezheven 1956 e voe un emsavadeg taer eno a-enep yev an Unvaniezh Soviedel.

Kêrioù gevellet

Gevellet eo Poznań gant ar c'hêrioù-mañ :

• Assen (Izelvroioù).
• Brno (Tchekia).
• Győr (Hungaria).
• Hannover (Alamagn)
• Jyväskylä (Finland)
• Khouribga (Maroko)
• Kharkiv (Ukraina)
• Naplus (Palestina)
• Nottinghamshire (Bro-Saoz)
• Pozuelo de Alarcón (Spagn)
• Razgrad (Bulgaria)
• Roazhon (Breizh)
• Shenzhen (Republik Pobl Sina)
• Toledo (Ohio) (Stadoù-Unanet)

Liammoù diavaez

• (pl)(de)(en) Lec'hienn ofisiel
• (pl)(fr) Dom Bretanii, Ti Breizh e Poznań