Priñsezig an dour

Priñsezig an dour^[1], Prinsesje Sterremuur hec'h anv orin, zo ur gontadenn skrivet ha treset gant an Izelvroad Gerrit Theodoor Rotman (1893-1944)^[2]^,^[3], hag a voe troet e brezhoneg gant Youenn Drezen ha Roparz Hemon, hag embannet gant Gwalarn e 1927.

Un embannadur gwenedek a voe, bloaz goude, e 1928, anvet Priñsezig en deur, en dastumad Levreu er Vugale Gwalarn, hag ar skrid a voe kempennet gant Loeiz Herrieu (1879-1953), a gaver e anv el levr e-kichen re an daou droer.

XXIañ kantved

Adkemeret e voe ar skrid gant Goulc'han Kervella, ha deuet eo da vezañ ur pezh-c'hoari, anvet Lizig, priñsezig an dour, embannet gant TES e 2008 en ul levr hag ur bladenn CD d'e heul.

E galleg

E 1931 e voe embannet al levr e galleg e Saumur, en Anjev (Bro-C'hall), dindan an anv La petite princesse de l'eau gant l'École émancipée, en dastumad Éditions de la Jeunesse, an droidigezh sinet gant F. Combot.

Notennoù

[1] Da lenn amañ

[2] (nl) Lambiek Comicopedia

[3] Oberennoù izelvroek all an treser

[1]

[2]

[3]