Priz Abel

Ar priz Abel a zo ur gopr roet bep bloaz d'ur matematikour gant Akademiezh Norvegia ar skiantoù hag al lizhiri.

Penn kentañ

E 2001, da lidañ daou c'hant vloaz ganedigezh ar matematikour Norvegian Niels Henrik Abel (1802), e tivizas gouarnamant Norvegia krouiñ ur priz nevez evit ar vatematikourien. Pal ar priz-se a zo talañ ouzh ar mank a briz Nobel e matematik. Medalenn Fields a vez lakaet da gevatal alies, met ar priz-mañ ne vez ket roet bep bloaz ha n'eo graet nemet evit matematikourien en tu-mañ da 40 vloaz.

Ar priz

Ar priz a vez roet gant Akademiezh Norvegia ar skiantoù hag al lizhiri. Pemp matematikour etrevroadel a vez er bodad titlañ. Roet e vez ar priz gant Roue Norvegia e miz Meurzh, talvezout a ra 6 milion a gurunennoù, e-tro 730 000 euro. Norvegia he deus roet 200 milion a gurunennoù da bourvez ziazez (e-tro 25 milion a euroioù).

Listenn al loreidi

2003: Jean-Pierre Serre (Bro C'hall, Skolaj Bro C'hall)
2004: Michael Atiyah (Rouantelezh Unanet, Skol Veur Dinedin) hag Isadore Singer (SUA, MIT)
2005: Peter Lax (Hungaria, Courant Institute of Mathematical Sciences eus New York)
2006: Lennart Carleson (Sveden, Ensavadur roueel teknologiezh Stockholm)
2007: Sathamangalam R. Srinivasa Varadhan (India, National Academy of Sciences)
2008: John G. Thompson (Stadoù-Unanet Amerika, University of Florida) hag Jacques Tits (Belgia, Collège de France)
2009: Mic'hail Gromov (Rusia, Institut des Hautes Études Scientifiques)
2010 : John Tate (Stadoù-Unanet), University of Texas at Austin)
2011 : John Milnor (Stadoù-Unanet), Stony Brook University)
2012 : Endre Szemerédi (Hungaria, Stadoù-Unanet, Rényi Alfréd Matematikai Kutatóintézet, Rutgers University)
2013 : Pierre Deligne (Belgia, Institute for Advanced Study)
2014 : Yakov Sinai (Rusia, Stadoù-Unanet, Институ́т теорети́ческой фи́зики им. Л. Д. Ланда́у, Princeton University)
2015 : John F. Nash (Stadoù-Unanet, Princeton University), Louis Nirenberg (Kanada/Stadoù-Unanet, Courant Institute of Mathematical Sciences)
2016 : Andrew Wiles (Rouantelezh-Unanet, Oxford University)
2017 : Yves Meyer (Bro C'hall, École Normale Supérieure Paris-Saclay)

Liammoù diavaez

(no) (en) Lec'hienn ar priz