Raphaël Glucksmann
Raphaël Glucksmann, ganet d'ar 15 a viz Here 1979 e Boulogne-Billancourt (Hauts-de-Seine), zo un esaeer ha politikour gall.
| Reizh pe jener | paotr  |
|---|---|
| Bro ar geodedouriezh | Frañs |
| Anv e yezh-vamm an den | Raphaël Glucksmann |
| Anv-bihan | Raphaël |
| Anv-familh | Glucksmann |
| Deiziad ganedigezh | 15 Her 1979 |
| Lec'h ganedigezh | Boulogne-Billancourt |
| Tad | André Glucksmann |
| Mamm | Françoise Villette |
| Pried | Léa Salamé |
| Yezhoù komzet pe skrivet | galleg |
| Micher | kazetenner, skridarnodour, politiker, documentalist, political scientist |
| Karg | Member of the European Parliament, adviser, Member of the European Parliament |
| Bet war ar studi e | Institut d'études politiques de Paris, Lycée Lamartine, Lycée Henri-IV |
| Strollad politikel | Place publique |
| Bet war ar renk da vezañ dilennet | 2019 European Parliament election in France, Dilennadegoù evit Parlamant Europa 2024 e Bro-C'hall |
| Perzhiad e | Act before it's too late, Le Grand Face-à-Face |
| Ezel eus | Cercle de l'Oratoire |
| Ideologiezh politikel | Atlanticism |
| Prizioù resevet | Chevalier des Arts et des Lettres |
| Deskrivet en URL | http://dbpedia.org/resource/Raphaël_Glucksmann |
Diellfilmaozer e oa bet er bloavezhioù 2000 ; goude eo bet kuzulier arbennik Mikhail Saakashvili, prezidant nevezfrankizour Jorjia, etre 2009 ha 2012. Goude-se eo bet esaeer, kroniker e France Inter ha rener ar gelaouenn Le Nouveau Magazine littéraire e 2017.
Tremenet eo en tu dehoù, en Alternative libérale, e 2007 gant ur sell atlantour, hag aet goustadik war-zu kleiz ar c'hreiz gant selloù ekonomikel frankizour ha sokial-demokratel. Er bloavezh 2018 e oa bet unan eus krouerien al luskad politikel Place publique (PP).
E penn ul listenn hag a vod Place publique, ar Strollad sokialour ha Nouvelle Donne e oa bet dilennet da gannad e dilennadegoù Europa e 2019. E-pad e respetad europat, gant ur sell kevreadelour europat, eo savet a-enep gouennlazh sevenadurel an Ouighoured, difennet en deus Pakt Glas Europa, harpet en deus donedigezh Ukraina en Unaniezh Europa ha goulennet en deus kemmoù da Reolenn Dulenn III. E-kerzh e respet e oa o labourat e bodad an aferioù estren ha bodad ar c'henwerzh etrebroadel. Bet eo ivez besprezidant an is-bodad evit Gwirioù mab-den.
E penn al listenn PS-Place publique eo bet c'hoazh en Dilennadegoù evit parlamant Europa e 2024, ha tizhet en doa 13,8 % eus ar votoù.