Reizhiad berraat an titloù

Ar reizhiad berraat an titloù^[1] zo un hentennn evit pourveziñ daveennoù berr d'an testennoù brezhonek hag a zo bet ijinet gant Roparz Hemon evit e c'heriadur istorel ar brezhoneg. Ober a reer gant lizherennoù tennet eus an titloù hag aozet hervez ar prantad eus al lennegezh vrezhonek, adalek 1100, ma voe savet pep testenn.

Deskrivadur

Savet e voe e-ser kempenn ar geriadur istorel a zeuas war wel e 1959. A-bouez e voe evit Roparz Hemon ober gant berradurioù pa ne oa reizhiad daveennoù ebet a vaste d'e ezhommoù. Evel-se e voe aesoc'h d'an embannadurioù Preder paeañ ar frejoù moullañ. Adimplijet e voe ar reizhiad-se gant Reun ar Glev, en e c'heriadur hag en e levrioù yezhadur. Adkemeret hag astennet e voe ivez gant Martial Ménard pell goude marv Roparz Hemon.

Displeget e voe gant Martial Ménard evel-henne e 2016.

Diwar prantadoù ar brezhoneg e saver un daveenn gant un niver lizherennoù dibar^[2].

Kael an daveiñ
Ur bennlizherenn evit ar c'hrennvrezhoneg	1110-1650	X
Div bennlizherenn evit ar brezhoneg rakvodern	1651-1800	XX
Teir bennlizherenn evit brezhoneg an XIXvet kantved	1801-1900	XXX
Peder bennlizherenn evit brezhoneg an XXvet kantved	1801-2000	XXXX
Pemp pennlizherenn evit brezhoneg an XXIvet kantved	2000-2100	XXXXX

Skouerioù :

Ca Catholicon (Jehan Lagadeuc) (embannadur "a") 1499
CSbsm Cannen spirituel ar buhe Sant Martin (Eutru Pourchasse) 17vet kantved
BRND Ur Breizad er C'hanada 1933
ATST An Ti satanazet (Jakez Riou) 1944

Diwar atiz ar yezhour kentañ a bleustras gant ar reizhiad-se e voe krouet pep daveenn. An daveennoù a vez graet gant pennlizherennoù dreist-holl, met kalz a nemedennoù zo evit al levrioù adembannet, ar c'harnedoù hag all.

N'eus ket daveennoù evit an dornskridoù hag enskrivadurioù savet a-raok 1100 e-barzh ar reizhiad-se. Ober a reer gant Mss., gant resisadennoù pe spisadennoù dibar.

Implij

War lec'hienn Devri, dindan an ivinell Corpus e kaver rollklok an oberennoù devouedet gant pep a verradur Estreget an daou c'heriadur meneget e kaver ar reizhiad daveennoù-se e meur a gelaouenn vrezhonek lennegel pe skiantel (Al Liamm, Hor Yezh) hag e renabl ar skriverien vrezhonek savet gant Lukian Raoul, Geriadur ar skrivagnerien hag ar yezhourien vrezhonek.

Notennoù ha daveennoù

↑ E penn Devri, geriadur ennlinenn (2016), e kaver an dro-lavar, système abréviatif rendant compte des ouvrages dépouillés..
↑ E penn Devri : une capitale désigne l'époque du moyen-breton (1100-1650); deux capitales le breton prémoderne (1651-1800); trois capitales le breton du 19e siècle; quatre capitales le 20e et cinq le 21e siècle.

[1] E penn Devri, geriadur ennlinenn (2016), e kaver an dro-lavar, système abréviatif rendant compte des ouvrages dépouillés..

[2] E penn Devri : une capitale désigne l'époque du moyen-breton (1100-1650); deux capitales le breton prémoderne (1651-1800); trois capitales le breton du 19e siècle; quatre capitales le 20e et cinq le 21e siècle.

[1]

[2]