Rivka

Rebecca, pe Rivka (en hebreeg רבקה Rivqah), a oa merc'h da Betouel an Aramiad, eus Padan-Avran anezhañ, ha c'hoar da Lavan, hervez Levr ar C'heneliezh, kentañ levr ar Bibl hag an Tanac'h.

Rivka

human biblical figure

Reizh pe jener	plac'h
Lec'h douaridigezh	Cavern of the Patriarchs
Tad	Betouel
Breur pe c'hoar	Lavan
Pried	Izaag
Bugel	Esau, Jakob
Lec'h labour	Palestina

François Boucher, Rivka o resev profoù Abraham, 1725

Dimeziñ a eure da Izaag, pe Is'hak hervez an hebreeg, ha daou vab o doe, Esav ha Yaakov.

Er rann 24 eus Levr ar C'heneliezh e lenner danevell eured Is'hak gant Rivka.

Itrikañ a reas Rebecca (Gn 27) evit ma voe benniget Yaakov gant e dad e-lec'h Esav ar breur koshañ.

Ar vojenn

Abraham, deuet kozh, a c'houlennas digant e servijer koshañ degas eus e vro ur pried eus e diegezh evit e vab Izaag. Hag an den da vont da Aram. Da noz, daoulinet ar c'hañvaled e-tal ar puñs, e welas Rebecca, ur werc'hez koant, o tont da leuniañ he ficher. Hag eñ da c'houlenn dour d'evañ diganti. Ha hi da reiñ dezhañ, ha da leuniañ al laouer da zourañ e gañvaled ha da ginnig bod dezhañ. Ar servijer neuze da lavarout a-berzh piv e teue. En ti, goude, setu Laban, breur Rebecca, hag o zad Betuel, da asantiñ d'an eured gant Izaag. Ha servijer Abraham neuze da reiñ profoù, ha kuit en deiz war-lerc'h gant ar verc'h yaouank. Distro da di Abraham, kabet ar plac'h diouzh grad, ha dimezet Izaag ha Rebecca.

Pell e vanas Rebecca divugel, met goude ur pennad he doe gevelled. Diaes e voe an dougen anezho rak en em gannaén a raent en he c'hof. Doue a roas da c'houzout e vefe div vroad diwar an daou vab hag e vije an henaén o servij an eil. Genel a reas Esaü, an henañ, ha Jakob, an hini a blije dezhi ar muiañ.

Bez

Hervez an hengoun e vefe beziet gant Is'hak e Hevron e bez ar Batriarked.

• 
  Rebecca hag Eliezer, gant Bartolomé Esteban Murillo.
• 
  Eugène Delacroix