Ronaldo Nazário
c'hoarier mell-droad Brazil
(Adkaset eus Ronaldo Luís Nazário de Lima)
Ronaldo Luís Nazário de Lima (pell anavezetoc'h evel Ronaldo, Ronaldo Fenômeno pe Ronaldinho c'hoazh), bet ganet d'an 22 a viz Gwengolo 1976 e Rio de Janeiro (Brazil), a zo bet ur melldroader etrebroadel brazilian.
Kemeret en devoa perzh e pevar dalc'h :
- Kib vell-droad ar bed 1994 bet aozet e Stadoù-Unanet Amerika, hep c'hoari munutenn ebet,
- Kib vell-droad ar bed 1998 bet aozet e Bro-C'hall ma tapas ar Vell aour (gwellañ c'hoarier ar genstrivadeg) : bet merket pevar fal gantañ,
- Kib vell-droad ar bed 2002 bet aozet e Japan hag e Republik Korea : gant eizh pal ez eas da wellañ paler ar genstrivadeg-mañ,
- Kib vell-droad ar bed 2006 bet aozet en Alamagn, met merket tri fal gantañ.
Gant un hollad a bemzek pal (en ur ober naontek krogad) e voe Ronaldo gwellañ paler Istor Kib vell-droad ar bed, a-raok ma voe plantet e c'hwezekvet hini gant ar melldroader alaman Miroslav Klose e Belo Horizonte d'an 8 a viz Gouere 2014 (hanterc'hourfenn Brazil 1-7 Alamagn da-geñver Kib vell-droad ar bed 2014 aozet e... Brazil).