Sapporo
Sapporo (札幌市; Sapporo-shi e japaneg) zo unan eus kêrioù bras Japan. E miz Ebrel 2005 e oa 1 864 352 den o chom eno. Niver an annezidi a sav bremañ da 1 961 690 (31 Kerzu 2020)[1]. Emañ Sapporo en enez Hokkaido e hanternoz Bro-Japan.
| 札幌市 Sapporo | |||||||||
|---|---|---|---|---|---|---|---|---|---|
 Bukit war pep skeudenn da welet an alc'hwez
| |||||||||
| |||||||||
| |||||||||
| Melestradur | |||||||||
| Riez |  Japan
| ||||||||
| Rannvro |  Hokkaidō
| ||||||||
| Prefedelezh | Hokkaidō (Isprefedelezh Ishikari) | ||||||||
| Maer | 秋元 克広, Akimoto Katsuhiro (dilennet d'an 2 a viz Mae 2015) | ||||||||
| Douaroniezh | |||||||||
| Lec'hiadur | 43° 3′ 43.5″ N, 141° 21′ 15.8″ R | ||||||||
  Sapporo (Japan) | |||||||||
| Gorread | 1 121,26 km² | ||||||||
| Poblañs | 1 983832 (1añ a viz Meurzh 2021) | ||||||||
| Stankter | 1760,37 den/km² | ||||||||
| Hin | Kerreizh Dfa : (Kevandirel gleb, hañvezhioù tomm) | ||||||||
| Arouezioù | |||||||||
| Evn | Koukoug-Eurazia | ||||||||
| Boked | Louzaouenn-an-hañv | ||||||||
| Gwezenn | Synringa | ||||||||
| Internet | (en) www.city.sapporo.jp | ||||||||
.jpg)
Anv Sapporo n'eo ket ur ger japaneg met ur ger deuet eus an ainoueg, evel kalz anvioù-lec’h all eus Enez-Hokkaido. E-pad ar goañv e vez yen an amzer hag erc’h a ra bep bloaz. Setu perak e voe aozet C'hoarioù Olimpek 1972 e Sapporo. A-drugarez d’ar yenijenn e vez lidet eno ivez fest an erc'h a zo brudet-tre e Bro-Japan. Kizelladurioù erc’h pe skorn a vez savet a-ratozh evit ar fest-mañ. Brudetoc’h c’hoazh eo bier melen Sapporo a vez ezporzhiet er bed a-bezh.
IstorAozañ
A-raok diazezadur Sapporo e oa poblet ar vro gant Ainoued o chom e meur a gamp[2]. N'eo nemet e diwezh ar Marevezh Edo e 1866 e erruas ar c'hentañ trevadennerien. E 1866 e krogas ar Stad da sevel ur ganol a-dreuz ar vro, ar pezh a vroudas kalz tud d'en em ziazezañ en enezenn ha da sevel ur gêriadenn anvet Sapporo[3]. Anv ar ger a zeu eus an ainoueg hag a dalvez « stêr vras a red a-dreuz ar gompezenn ».
E 1868, gouarnamant nevez an Oadvezh Meiji a zivizas ober eus Sapporo kêr-benn nevez rannvro Hokkaidō. Emsavoc'h e oa al lec'h ma oa da zifenn ha da ziorren evit hini ar gêr-benn gozh, Hakodate.
Er bloavezhioù 1870-1871, Kiyotaka Kuroda, besprezidant ar bodad evit diorren Hokkaidō (kaitakushi), a yeas e darempred gant ar gouarnamant amerikan. Gant skoazell Horace Capron, sekretour e karg eus al labour-douar dindan prezidant amerikan Ulysses S. Grant, hag a zeuas da vezañ Oyatoi gaikokujin, emañ o vont da ziorren Sapporo en-dro d'al Liorzh Ōdōri war patrom ar steuñv hippodamek, un dra divoaz-kenañ e Japan, memes hiziv.
Atizet gant ar c'haitakushi, e teuas kalz trevadennerien eus Honshū da ziorroen al labour-douar (gwinizh, avaloù-douar, maiz, asperjez) ar sevel chatal (deñved ha moc'h) met ivez produadur danvezioù krai (koad, glaou) ha breserezhioù.
E-pad an XXvet kantved e kendalc'has kêr d'en em ziorren kalz dindan levezon tud a afer ha tud o klask goproù uheloc'h, kement ha ken bihan ma tremenas Sapporo en tu all d'ur milion a annezidi e 1970.
E-pad an Eil Brezel-bed e voe meneget alies Sapporo e-giz un trede pal evit ur vombezadenn atomek, betek-gouzout n'en dije ket kodianet Bro-Japan.
Sapporo e 1918 e-doug an Oadvezh Taishō.
Al Liorzh Ōdōri e 1936.
Burevioù kozh gouarnamant Hokkaidō.
Tour skinwel Sapporo, savet e 1957.
DouaroniezhAozañ
ArondisamantoùAozañ
Rannet eo Sapporo e dek arondisamant[4] :
| Niverenn | Anv | E japaneg | Pob. (2015) |
Gorread | Kartennn |
|---|---|---|---|---|---|
| 1 | Chūō-ku | 中央区 | 230 415 | 46,42 | |
| 2 | Kita-ku | 北区 | 283 403 | 63,57 | |
| 3 | Higashi-ku | 東区 | 259 843 | 56,97 | |
| 4 | Shiroishi-ku | 白石区 | 210 492 | 34,47 | |
| 5 | Atsubetsu-ku | 厚別区 | 129 136 | 24,38 | |
| 6 | Toyohira-ku | 豊平区 | 219 077 | 46,23 | |
| 7 | Kiyota-ku | 清田区 | 115 022 | 59,87 | |
| 8 | Minami-ku | 南区 | 140 814 | 657,48 | |
| 9 | Nishi-ku | 西区 | 212 525 | 75,10 | |
| 10 | Teine-ku | 手稲区 | 141 200 | 56,77 |
NotennoùAozañ
- ↑ "住民基本台帳人口・世帯数 ｜ 総合政策部計画局統計課"; yezh orin ar film pe an abadenn skinwell: japaneg.
- ↑ "Recognition at last for Japan's Ainu ". BBC News. 6 a viz Gouere 2008
- ↑ Error on call to Template:cite web: Parameters url and title must be specified.
- ↑ Ti-kêr Sapporo, General Overview of Sapporo, www.city.sapporo.jp, 2011.
日本と日本文化のポータル — Porched Japan ha sevenadur Japan • Adkavit ar pennadoù a denn da Japan ha d'he sevenadur — 日本とその文化についてのページを見つける