Brignen

Ar brignen, pe brignon, zo ur boued diwar greun edoù, gwinizh-du, kerc'h, heiz, damvalet. Anv a gaver er c'hanaouennoù kozh eus yod graet diwar ar brignen.

Hervez un notenn e Soniou Breiz Izel, gant Fañch an Uhel e oa bleud kerc'h glec'hiet d'ober soubenn dreut ma veze lakaet legumaj, evel er soubenn druz, ha laezh dous alies (eil levrenn, pajenn 70).

Gerdarzh

Kavout a reer ar ger e Katolikon Jehan Lagadeuc. Dont a rafe ar ger eus brenn.

Soubenn ar brignen

Meneget eo yod brignen ha kaot brignen e Geriadur Gregor.
Meneget eo Soubenn ar brignen en Nouvelles Conversations en breton et en français^[1], e 1857.
Meneget eo ivez e Soniou Breiz Izel, en ur ganaouenn :

Bremañ me 'renk dibriñ soubenn

Hep na brignon nag amanenn

Ur bannac'h dour, un tamm holen

Meneget eo c'hoazh en ur ganaouenn eus Leon, Soubenn ar brignen^[2] :

Gwechall e ti ma zad

Soubenn ar brignon 'oa ket mat

Met bremañ pa'z on dimezet

Soubenn ar brignon am eus bepred.

Meneg zo anezhi er romant Emgann Kergidu.

Anv-tud

Brignen ha Le Brignonen(n) zo anvioù-tiegezh.

Broioù all

E Rusia e oa anavezet evel kacha, graet gant gwinizh-du, ha meuz ordinal ar gouerien e oa.

Pennadoù kar

Notennoù

[1] ttp://digital.nls.uk/early-gaelic-book-collections/pageturner.cfm?id=80915835&mode=transcription

[2] ttp://mediatheque.dastum.net/PrintRecord.htm?record=964712478299

[1]

[2]