Stefan Carpentier

Stefan Carpentier zo skrivagner brezhonek ha gallek, troer ha gourdoner.

Gripi

Krouet en doa Gripi, kelaouenn "moliac'h ha faltazi" e 2002, ha skrivet un toullad danevelloù e-barzh.

Troet en deus ivez meur a zanevell embannet e Gripi, en o zouez reoù bet skrivet gant Guy de Maupassant (An Horla) pe gant ar skrivagner belgiat Frank Roger.

Danevelloù all

Danevelloù savet gantañ zo bet embannet ivez er c'helaouennoù Al Lanv, Louarnig hag Al Liamm. Meur a bennad-skrid en deus savet ivez evit er c'helaouennoù Al Lanv ha Bremañ.

Ur romant gantañ zo bet embannet gant Keit Vimp Bev, Ar Voul Strink, ha loreet e 2005.

Graet en deus ivez war-dro troidigezh an dastumad danevelloù skiant-faltazi Omegalfa, gant Frank Roger, bet embannet gant Mouladurioù Hor Yezh.

Un nebeud danevelloù savet gantañ e galleg zo bet embannet ivez e-barzh kelaouennoù liesseurt, Lanfeust Mag da skouer.

Oberennoù

Romant

Ar Voul Strink, Keit Vimp Bev, romant, Priz ar Yaouankiz 2005

Barzhonegoù

Pa gavan hir ma amzer, Skrid, barzhonegoù, 2014

Troidigezhioù

Omegalfa, gant Frank Roger, Mouladurioù Hor Yezh, berrdanevelloù, 2005
Vodou zo amañ, gant Valériane Duvivier, Ar Gripi, BT, 2015
Pepper & Carrot, gant David Revoy, Ar Gripi, BT, 2016