Susie Moore Barstow

den
Reizh pe jener	plac'h
Bro ar geodedouriezh	Stadoù-Unanet
Anv-bihan	Susie
Anv-familh	Barstow
Deiziad ganedigezh	9 Mae 1836
Lec'h ganedigezh	New York, Manhattan
Deiziad ar marv	12 Mez 1923
Lec'h ar marv	New York, Brooklyn
Yezhoù komzet pe skrivet	saozneg
Micher	livour, visual artist, art educator
Tachenn labour	livouriezh, Arzoù ar gweled, visual art education
Statud e wirioù aozer	Ar gwirioù aozer ne dalvezont ket ken

Susie Moore Barstow (New York, 9 a viz Mae 1836 – idem, 12 a viz Mezheven 1923) a oa ul livourez stadunanat, un ezel eus al luskad Hudson River School, brudet dre ar gouloù a ouie lakaat en he gweledvaoù.

Buhez

Ganet e oa e New York, merc'h d'ar marc'hadour te Samuel Barstow (1805-1884) hag e bried Mary Tyler Blossom (1813-1895) e Brooklyn^[1].

Seitek vloaz e oa pan echuas gant he studi er Rutgers Female Institute e 1853 ; klokaat he stummadur war an arzoù-kaer a reas en Europa^[1] kent mont da gelenn er Brooklyn Institute of Arts and Sciences ha boulc'hañ he remzad gweledvaourez a vicher.

Un alpaerez arroutet e oa Susie M. Barstow, he devoa krapet gant kantadoù a venezioù ; n'eo ket souezh neuze e plije dezhi lakaat dremmvaoù meneziek war al lien : ar Menezioù Adirondacks hag ar Menezioù Catskill e stad New York, White Mountains New Hampshire en SUA, koulz hag an Alpoù hag ar Schwarzwald en Europa. Peogwir e kave dezhi ne oa ket dilhad merc'hed he amzer gwall aes evit krapat ec'h ijinas ur gwiskamant nevez : ur vrozh verr war bragoù hir ha heuzoù dalc'h dezho, a voe degemeret gant al luskad Victorian dress reform movement en eil hanterenn an XIX^vet kantved

**Adaoz an dilhad, 1895**
	"Jessie ger, perak an diaoul an dilhad marc'houarnañ-se ?" "Ma, evit o gwiskañ, evel-just." "Marc'h-houarn ebet n'hoc'h eus avat !" "Gwir, met ur mekanik-da-wriat zo ganin !"

Diskouez glannoù ar stêr Hudson a eure ivez, alese he brud evel ezel eus eil remziad an Hudson River School.

E 1858 e voe ar c'hentañ gwezh ma voe lakaet oberennoù S. M. Barstow war ziskouez, en National Academy of Design (NDA) e New York ; er Brooklyn Art Association eno hag er Pennsylvania Academy of the Fine Arts e Philadelphia e tiskouezas goude-se.

Dizimez e chomas Susie Moore Barstow a-hed he buhez. E Philadelphia e varvas d'an 12 a viz Even 1863 ; e bered Green-Wood e Brooklyn emañ he bez^[2].

Wooded Interior, ~1865
Kaaterskill Creek', ~1870
Autumn Waterfall, ~1880
Early October Near Lake Squam, 1886
Winter landscape, hep deiziad

Levrlennadur

(en) Bittermann, Caro. Susie M. Barstow 1836-1923. In : 'The History of Painting Revisited'. Kavet : 24/10/2023.

Notennoù

↑ ^1,0 ha^1,1 Bittermann, op. cit.
↑ (en) (fr) 'Find A Grave'. Kavet : 24/10/2023.

[CB-1] 1,0 ha^1,1 Bittermann, op. cit.

[2] (en) (fr) 'Find A Grave'. Kavet : 24/10/2023.

[1]

[2]