Telo

Telo (Teilo e kembraeg ; Eliud e kerneveureg) zo ur manac'h ha sant brezhon eus ar VI^vet kantved (war-dro 500-560). Arc'heskob Llandaf e oa, ha gantañ e voe savet kentañ iliz Llandaf, el lec'h m'emañ e vez ; eskob e Tyddewi e vije bet ivez.

En iliz-veur Landalf

Mab e vije bet da Ensig ap Hydwn ap Ceredig eus Ceredigion. Hervez ur buhezskrid savet war-lerc'h e amzer e voe ganet e-kichen Penalun e Sir Benfro, ha diskibl e oa da sant Dyfrig a-raok mont da studiañ gant Peulin da Llanddeusant (Sir Gaerfyrddin).

Kenderv e vije bet da sant Dewi. Gantañ e vije bet o pirc'hirinañ da Jeruzalem. Lakaat a reas sevel iliz Llandeilo Fawr e Llandeilo hag abati Penalun. Ur 25 a ilizoù ha skolioù zo en e anv e Kembre, Kernev-Veur, Devon ha Breizh (e Landelo, e Landaol hag e Plogoneg, m'emañ chapel Sant Telo).

• 
  En iliz Llandaf
• 
  War ur c'harv, XIII^vet kantved, abati Daoulaz
• 
  War ur c'harv, XIV^vet kantved

Liammoù diavaez

• (cy) (en) Eglwys Teilo Sant, Llandeilo Fawr