Unvaniez Difennourien ar Brezoneg

Disambiguation.svg Ur pennad Unvaniezh Demokratel Breizh zo ivez.

Unvaniez difennourien ar brezoneg (UDB) a oa ur gevredigezh savet e miz Kerzu 1946 evit pouezañ ma vije aozet deskadurezh ar brezhoneg.

Savet e voe e Pariz, en un emvod d'ar 5 a viz Kerzu 1946, ma oa tolpet tud eus meur a gevredigezh. Dilennet e voe e burev ar gevredigezh nevez : Paul Marzin (prezidant Arzourien Breizh), Léon Toulemont (prezidant Ker-Vreiz), Charles Michel (Fédération des Sociétés bretonnes de Paris), Jacques Fournier (Korollerien Plougastell), Yann Poupinot (Ker-Vreiz), J. Valy (Bretons Émancipés), P.-A. de la Tocnaye (Union Fédérale Bretonne)

Ur strollad pouezañ war Gambr ar Gannaded e voe hag un nebeud kevredigezhioù breizhek a voe ennañ. Ar Falz hag e brezidant, Armand Keravel, a skoazelle ar c'hannad komunour, Pierre Hervé evit skridaozañ ur raktres ratozhiad a voe kinniget da Gambr ar Gannaded d'an 16 a viz Mae 1947 hag a voe enebet taer outi. Daouzek vloaz a-raok e oa bet torret ar reizhiad tri-strollad ha skarzhet e oa bet ar gomunourien kuit eus ar gouarnamant.