Wikipedia:Wiki-ni
- Marteze emaoc'h o klask hor c'hiwi-ni?

hon wiki-ni a vije diaesoc'h da wiskañ:
tremen 60 000 pennad zo ennañ.
Kentel: Lec'h zo da bep hini
e-barzh hon wiki-ni.
N'eo ket ur spontailh-brini
Met ur vro gaer bevañ enni.
Hon wiki-ni, pe hor wiki-ni (evel a garer pe a geror), n'eo ket un enezenn, nag un douar, nag un tamm pezh dilhad berr ha dister, met ar wikipedia vrezhonek. Pell emañ diouzh Enez Bikini hag ouzhpenn-se n'eo ket a vent nag a stumm gant bikini ebet.
Bro dizalc'h kemmañ
N'eo ket na bragoù na brozh dizalc'h eta, met un tamm bro dizalc'h an hini eo memes tra.
N'eo ket bro brini na
levrini, na karreg gouelini, met hon bro-ni an hini eo, brezhonegerien divorfil, dibilh ha dibistig.
Stag eo a dra sur ouzh an holl wikioù all, ha par dezho ivez: gant brezhonegerien eo savet, ha n'eo ket gant o amezeien pe yezherien arall.
- Ganimp emañ ar vestroni,
- hep rogoni na rustoni,
- hep viloni na falloni,
- na brav eo dimp en hon wiki-ni.
Son flour ar yezh kemmañ
Mall warne mont da zeskiñ d'hon wiki-ni.
Ar vro vrezhonek nemeti eo hon wiki-ni.
Enni e c'haller komz eus kement tra a garomp, beajiñ en holl vroioù, hag en holl amzerioù, en hon yezh-ni.
- Evel miaou kazh, evel harzh ki,
- Nemet son hon yezh ne vank en hon wiki
- Un deiz avat e teuy, hervez pep spi
- Sede p'lec'h mañ hon intampi.
Wiki digor, Goursez digor kemmañ
A zo lirzhin o vousc'hoarzhin
Setu perak, n'eus tamm kevrin:
Kavet o deus hon wiki-ni.
Deuet da weladenniñ
Chalonied hon wiki-ni.
Degemerus eo hon wiki evel ma tiskouez ar pempgwerzennad-mañ:
- Pe baotr pe blac'h, da bep hini
- da chaloniez pe chaloni
- pe 've diaes pe 'n aezoni
- pe gant mono pe gant biki
- digor ez eo hon wiki-ni.
Porzh kemmañ
Koulskoude eo degemerusoc'h hon wiki-ni c'hoazh d'ar re a garo kas ar c'harr war-raok gant ar re all, hervez pozioù ar c'han broadel :
- Ma tremenez, salud 'lari,
- Ma labourez, gra a gari,
- Met ma klaskez porzh da c'hoari
- N'eo ket al lec'h da baboriñ.
Pennadoù kar kemmañ
Liammoù diabarzh kemmañ
- Arnodoù gallegerien da reoliañ hon wiki-ni: [[1]]
- Arnodoù drailherien : ne blij ket hon wiki-ni d'ar bleidi [[2]] na d'ar brini: [[3]]
war evezh pe war ziwall:
petra o deus kavet en hon wiki-ni
a blij dezho kemend-all?
ne vez soubet ar brizhilli
pesked doujet hon wiki-ni.