Álvaro Cunqueiro
Álvaro Cunqueiro Mora (Mondoñedo, 1911 — Vigo, 1981) zo ur skrivagner galizeg, romantour, hag unan eus brasañ skrivagnerien Galiza.
| Reizh pe jener | paotr  |
|---|---|
| Bro ar geodedouriezh | Spagn |
| Anv ganedigezh | Álvaro Cunqueiro Mora |
| Anv-bihan | Álvaro |
| Deiziad ganedigezh | 22 Kzu 1911 |
| Lec'h ganedigezh | Mondoñedo |
| Deiziad ar marv | 28 C'hwe 1981 |
| Lec'h ar marv | O Grove |
| Lec'h douaridigezh | Q61391028 |
| Bugel | César Cunqueiro |
| Yezhoù komzet pe skrivet | spagnoleg, galizeg |
| Micher | skrivagner, gastronomist, kazetenner, romanter, barzh |
| Bet war ar studi e | University of Santiago de Compostela |
| Strollad politikel | Partido Galeguista |
| Ezel eus | Real Academia Gallega, Real Academia Gallega |
| Tachenn | essay, barzhoniezh |
| Prizioù resevet | Premio Nadal, Q3393925, honorary doctorate of the University of Santiago de Compostela, Gold Medal for Tourism Merit, Devezh al Lizhiri Galizek |
E vuhez
kemmañMab e oa da Joaquín Cunqueiro Montenegro, ha Pepita Mora Moirón. Lenn a blije dezhañ, evel istorioù an amzer-se duiwar-benn Buffalo Bill ha Fitz Roy. Kontet en deus en doa skrivet e romant kentañ diwar-benn ar re wenn a gomze kastilhaneg hag an Indianed a gomze galizeg (hag an Indianed a oa trec'h d'ar re wenn).
E studioù kentañ a reas e Lugo ma tapas e vachelouriezh (1921), hag eno e oa kamarad da Evaristo Correa Calderón hag Ánxel Fole. Goude-se e studias prederouriezh e skol-veur Santiago de Compostela en 1927, met paouez a reas da vont da skrivañ er c'hazetennoù, ha kelaouennoù, evel Papel de Color ha Galiza, met dreist-holl «El Pueblo Gallego» adalek 1937. Daremprediñ a rae an ostaleri Café Español. Eno en em gave e wellañ mignoned, Francisco Fernández del Riego, Domingo García Sabell, Gonzalo Torrente Ballester, Ricardo Carballo Calero, Carlos Maside ha Xosé Eiroa, ha bez e voe unan eus kentañ izili ar strollad Partido Galeguista.
En 1936, pa en em savas an arme a-enep ar Republik, edo Cunqueiro en Mondoñedo. Ne voe ket heskinet dre ma oa bras levezon e dud e metoù ar virourien, ha kavout a rejont labour dezhañ en ur skol brevez en Ortigueira, e miz Here 1936. Emezelañ a reas er Falange Española e-pad Brezel Spagn, ha karget e oa eus ar Wask hag ar Propaganda, skrivañ a rae en o c'helaouenn lec'hel Era Azul.
En 1937 e c'houlennas Jesús Suevos, penn bras ar Falanxe en Galiza ha rener El Pueblo Gallego, digantañ ober war-dro pajennoù al lennegezh hag an darvoudoù er pemdezieg ; Álvaro a gemeras ar garg hag ac'h eas da chom da Vigo. E Vigo ivez e kelennas portugaleg ur pennadig en ur skol.
Oberennoù
kemmañEn galizeg
kemmañBarzhoniezh
- Mar ao Norde (1932).
- Poemas do si e non (1933).
- Cantiga nova que se chama Riveira (1933).
- Dona do corpo delgado (1950).
- A noite vai coma un río (1965).
- Palabras de víspera (1974).
- Herba aquí e acolá (1980).
Komz-plaen
- Merlín e familia (1955).
- Crónicas do Sochantre (1956).
- Si o vello Sinbad volvese ás illas (1961).
C'hoariva
- O incerto señor Don Hamlet, Príncipe de Dinamarca (1958).
- A noite vai coma un río (1960).
- Escola de Menciñeiros (1960).
- Xente de aquí e de acolá (1971).
- Os outros feirantes (1979).
Arnodskridoù
En spagnoleg
kemmañ- Elegías y canciones (1940).
- Balada de las damas del tiempo pasado (1945).
- Crónica de la derrota de las naciones (1954).
- Las mocedades de Ulises (1960).
- Flores del año mil y pico de ave (1968).
- Un hombre que se parecía a Orestes (1969).
- Vida y fugas de Fanto Fantini della Gherardesca (1972).
- El año del cometa con la batalla de los cuatros reyes (1974).
- Tertulia de boticas prodigiosas y Escuela de curanderos (1976).
- La cocina cristiana de Occidente (1969).
- Fábulas y leyendas de la mar (1982).
- El pasajero en Galicia (1989).
E brezhoneg
kemmañ- Álvaro Cunqueiro, Taolioù-kaer Bran (titl orin: Os oficios de Bran), troet gant Robert Neal Baxter, in Costas, X-H. & Castro Buerger, I. (kenurzh.) Homenaxe a Álvaro Cunqueiro no seu XXV Cabodano(2006: 24-27), Universidade de Vigo
