Adolf Galland

Adolf "Dolfo" Joseph Ferdinand Galland ganet d'an 19 a viz Meurzh 1912 e Westerholt e Westphalia hag aet da anaon d'an 9 a viz C'hwevrer 1996 e Remagen-Oberwinter) a oa ur jeneral alaman eus al Luftwaffe met ivez ur mailh (pe un As) dre m'en devoa tizhet 104 c'harr-nij enebour en holl war talbenn kornôg an Eil Brezel-bed Kaset en deus 705 nij-brezel da benn, ha tizhet ez eo-eñ bet dre beder gwech.

Adolf Galland

den

Reizh pe jener	paotr
Bro ar geodedouriezh	Alamagn
Lealded	Trede Reich
Anv e yezh-vamm an den	Adolf Josef Ferdinand Galland
Anv-bihan	Adolf
Anv-familh	Galland
Deiziad ganedigezh	19 Meu 1912
Lec'h ganedigezh	Westerholt
Deiziad ar marv	9 C'hwe 1996
Lec'h ar marv	Remagen
Lec'h douaridigezh	Friedhof Oberwinter
Yezhoù komzet pe skrivet	alamaneg
Micher	nijer karr-nij, milour
Lec'h annez	Lehmkuhlen
Deroù ar prantad labour	1935
Perzhiad e	Nuremberg Medical Trial
Grad milourel	letanant jeneral
Commander of (DEPRECATED)	Jagdgeschwader 26, Jagdverband 44
Brezel	Eil Brezel-bed
Skour lu	Luftwaffe
Prizioù resevet	Knight's Cross of the Iron Cross with Oak Leaves, Swords and Diamonds, Spanish Cross, as (aerlu)

Adolf Galland.

Adolf Galland ha brezel Spagn

Bet eo bet engouestl a youl vat e 1937 e brezel Spagn. Nijal a rae el Lejion Condor dindan stumm tagadennoù-nij war zu an douar o reiñ harp d'ar vroadelourien dindan urhzioù Francisco Franco El Caudillo. Pa echuas e zro-brezel e 1938 Adolf Galand a vez kaset da labouret e ministrerezh an aer Alaman da sevel levrigoù strategiezh ha teknikel da geñver e skiant-prenet evel blenier kirri-nij tag war zu an douar. War ar memes koulz-amzer e vez kelenner evit ar strolladoù blenerien kirri-nij tag war zu an douar.

Adolf Galland en Eil Brezel-bed

Pa erru mare aloubadeg Polonia e miz gwengolo 1939 e ya gant nijal hag un-dro nijoù-brezel tag war zu an douar. E-penn kentañ ar bloavezh 1940 e vez klasket gant Adolf Galland da gendrec'hiñ e ofisourien da lakkat anezhañ da vont gant hent ar blenerien kirri-nij stourm.

Galland a vez o nijal gant ur Messerschmitt Bf 109 e-pad emgann Bro C'hall hag emgann Bro-Saoz. E-fin ar bloavezh 1940 ez eo pignet an niver a dizhou gantañ etrezek 57 karr-nij enebour.

Evit ar bloavezh 1941 e chom Galland gant ar stourm a-enep ar Royal Air Force (RAF) a-us da mor Breizh ha norzh ar Frañs. E miz-du 1941 ez eo pignet e niver dizhoù etrezek 96 karr-nij enebour.

Special Film Project 186, Adolf Galand ha dirazhañ Hans-Ulrich Rudel

Adolf Galland penn ar chase Alaman

Miz du 1941 e ya da anaon Werner Mölders, penn an holl strolladoù kirri-nij chase Alaman General der Jagdflieger, en ur gwallzarvoud-nij. Adolf Galland a vez kaset d'e lerc'h hag a chomo gant ar garg'se betek miz genver 1945.

Gant ma oa penn an holl strolladoù kirri-nij chase Alaman e oa bet diffenet groñs dezhañ da gemer perzh en nijoù-brezel.

Liammoù diavaez

• Skrid anaon Adolf Galland The Independent (14 a viz C'hwevrer 1996)