Ar Roue Glesker

Ar Roue Glesker, pe Ar roue Glesker pe Herri houarn (Der Froschkönig oder der eiserne Heinrich en alamaneg), eo ar gontadenn gentañ a gaver e dastumad ar vreudeur Grimm.

Ar briñsez e-tal ar feunteun

Goulenn a ra ar Glesker bezañ lezet da vont er C'hastell - Skeudenn evit al levr saoznek "The Frog Prince" gant Walter Crane e 1874.

Ar glesker ouzh taol ar roue. Skeudenn gant Anne Anderson.

Doareoù brezhonek

• Embannet eo bet e brezhoneg gant an Here, e 1997, el levr Marvailhoù Grimm, troet gant Herve Seubil gKernaodour, gant an titl Ar roue-glesker pe Herri-houarn.
• Un droidigezh all a gaver el levrig Rapunzel, embannet gant Sav-Heol e 2011, troet gant Mark Kerrain.

An istor

Ur briñsez re voumounet a deu da vout kamaradez d'ur glesker hag a dro e priñs yaouank koant.

E doareoù nevesañ ar gontadenn e rank ar briñsez pokat d'ar glesker evit ma troio e priñs, met e doare Grimm eo pa sko al loen gant heug ouzh ur voger eo e tro en priñs. E doareoù all, ha koshoc'h, e oa trawalc'h d'ar glesker tremen an noz war blueg ar briñsez.

Doare

Hervez doare-renkañ Aarne-Thompson eo ur gontadenn eus an doare 440. En doare-se ec'h anavezer ivez The Tale of the Queen Who Sought a Drink From a Certain Well eus Bro-Skos, ha The Well of the World's End eus Bro-Saoz.

Krizder

Taol feuls ar briñsez pa sko ar glesker ouzh ar voger zo un darvoud boutin a-walc'h da derriñ gwallblanedenn ar paourkaezh priñs. E danevelloù all e kinniger troc'hañ penn al loen.

Filmoù

• Der Froschkönig, film alamanek e 1954 graet gant Otto Meyer
• The Frog Prince e 1986 gant Jackson Hunsicker
• Froschkönig, e 1988 gant Walter Beck
• Zabí král, e 1991 gant Juraj Herz.

Lennegezh

• The Frog Princess, romant gant E.D. Baker
• Ar romantoù The Prince of the Pond, Jimmy the Pickpocket of the Palace, Gracie the Pixie of the Puddle, gant Donna Jo Napoli

Liammoù diavaez

• Ar gontadenn e portugaleg
• Ar gontadenn e saozneg

Timbroù

Timbroù embannet gant Post Berlin e 1966

• 
• 
• 
•