Athene blewitti

Athene blewitti

Athene blewitti

En arvar (EN)

Rummatadur filogenetek

Riezad :

Skourrad :

Kevrennad :

Urzhad :

Kerentiad :

Genad :

Athene

Anv skiantel

Athene blewitti
(Hume, 1873)

D'ar vevoniezh

e tenn ar pennad-mañ.

Athene blewitti^[1] a zo ur spesad evned-preizh noz eus ar c'herentiad Strigidae.

Anvet e voe Heteroglaux Blewitti (kentanv) da gentañ-penn (e 1873) gant ar skiantour breizhveuriat Allan Octavian Hume (1829-1912) da zougen bri d'an naturour amatour breizhveuriat William Turnbull Blewitt (1816-1889)^[2].

Doareoù pennañ

Ur gaouenn vihan (20-23 cm ha 240 gramm) tev he fenn ha berr he lost eo Athene blewitti, kludet war pavioù hir pluñvek. Louet ha gell splann eo laez he c'horf, arwenn an traoñ anezhañ ; marellet gwenn eo laez he esskell ha stank eo ar barrennoù du war o fennoù. Gwenn eo he c'hof gant roudennoù gell war ar c'hostezioù. Gwenn eo kantenn he dremm tro-dro d'he daoulagad melen. Melen ha rous eo he figos.
Noz ha deiz e vez oberiant al labous.

Tresadenn gant Keulemans (1891)
Tresadenn gant Ashahar (2014)
E 2010

Boued

Bevañ a ra diwar c'hlazarded peurvuiañ ha kemer divellkeineged, krignerien, laboused ha raned ivez.

Annez

E-pad ur c'hantved ez eus bet kredet e oa aet ar spesad da get, betek ma voe gwelet e 1998 ; heuliet a-dost e vez bremañ.
Brosezat eo ar spesad e koadegi kreiz India, etre 200 ha 700 metr uhelder ; seizh tiriad pell an eil re diouzh ar re all zo bet kavet hag a vez evezhiet.

War zigresk emañ ar boblañs, a zo brasjedet e-tro 400 – muic'h eget 250 a-dra-sur – abalamour d'an digoadañ ha d'ar chase^[3]^,^[4].

Rummatadur

E miz C'hwevrer 2018 e voe embannet disoc'h labourioù kaset da benn gant ur skipailh klaskerien renet gant ar skiantour indian Pankaj Koparde^[5]. Da-heul e voe divizet gant an International Ornithological Congress diblasañ ar spesad Heteroglaux blewitti — an hini nemetañ er genad Heteroglaux betek neuze — d'ar genad Athene.

Liammoù diavaez

Notennoù ha daveennoù

↑ N'en deus ar spesad anv boutin ebet testeniekaet e brezhoneg evit poent.
↑ (en) James A. Jobling, Helm Dictionary of Scientific Bird Names, Bloomsbury Publishing, 2010, pajenn 73.
↑ (en) Roadennoù IOC World Bird List diwar-benn Athene blewitti.
↑ (en) IUCN Red List
↑ (en) The critically endangered forest owlet Heteroglaux blewitti is nested within the currently recognized Athene clade: A century-old debate addressed., PLoS One, miz C'hwevrer 2018

Commons

Muioc'h a restroù diwar-benn

Athene blewitti

a vo kavet e Wikimedia Commons.

[1] N'en deus ar spesad anv boutin ebet testeniekaet e brezhoneg evit poent.

[2] (en) James A. Jobling, Helm Dictionary of Scientific Bird Names, Bloomsbury Publishing, 2010, pajenn 73.

[3] (en) Roadennoù IOC World Bird List diwar-benn Athene blewitti.

[4] (en) IUCN Red List

[5] (en) The critically endangered forest owlet Heteroglaux blewitti is nested within the currently recognized Athene clade: A century-old debate addressed., PLoS One, miz C'hwevrer 2018

[1]

[2]

[3]

[4]

[5]