Caganer

Caganer ("kac'her", caganers el liester) zo anv un delwennig henvoazel katalan ma weler ur paotrig diskennet e vragoù hag o tiskouez e beñsoù, o kac'hat en ur c'horn eus kraou Nedeleg, a-drek ur wezenn. Tennañ a ra da Gakker Flandrez. Dont a rafe ar c'hiz eus krevier Nedeleg an amzer wechall. E gwirionez e vez kavet kac'herien er c'hrevier Nedeleg e Spagn hag e Portugal ivez.

Caganer katalan

A bep seurt caganer a gaver hiziv, eus a bep seurt micherioù, politiker ha beleg en o zouez. Merc'hed zo ivez.

E 2008 e veze gwerzhet Barack Obama, Hugo Chávez, Cristina Fernández de Kirchner ha Lula da Silva er stumm caganer, hag e 2013 e voe tro Lionel Messi, Angela Merkel, Vladimir Poutin, Nelson Mandela hag ar pab Frañsez. Bep bloaz e vez krouet re nevez : e 2020 ez eus bet krouet caganers masklet abalamour d'ar c'hleñved-red COVID-19.

• 
  Caganers

• 
  Caganer en ur c'hraou Nedeleg
• 
  Caganer er Fira de Santa Llúcia e Barcelona e 2012

Liammoù diavaez

• (ca) Els Caganers
• (en) Our view of Spain
• (en) Barcelona’s Christmas Crapper Canned
• (fr) Katalog caganers
• Politikerien 2017, hag all

Pennadoù kar

• Un dudenn all, an Tió de Nadal ("Etev an Nedeleg" e katalaneg), a vez lakaet ivez e kraou Nedeleg hag a vez bazhataet evit ober dezhañ kac'hat madigoù.