Daphne du Maurier

Daphne du Maurier
Daphne du Maurier tro 1930.
Obererezh	romantourez, romantourez polis, romantourez istorel, kevelennourez, dramaourez
Ganedigezh	13 a viz Mae 1907 Londrez, Bro-Saoz
Marv	19 a viz Ebrel 1989 Porth, Kerne-Veur
Yezh skrivañ	saozneg
Enorioù	"Dame commandant" an Impalaeriezh breizhveuriat Grand Master Award 1978 National Book Award (SUA)
Oberennoù pennañ
Jamaica Inn Rebecca The Birds (kevelenn) My cousin Rachel Castle Dor
Lec'hienn ofisiel	www.dumaurier.org

Dame Daphne du Maurier, Lady Browning (13 a viz Mae 1907 e Londrez, Bro-Saoz – 19 a viz Ebrel 1989 e Porth, Kerne-Veur) a oa ur romantourez, kevelennourez ha buhezskridourez kerneveurat. Dont a rae eus ur familh arzourien : he zud Sir Gerald du Maurier ha Muriel Beaumont, he div c'hoar, hag he zad-kozh George du Maurier hag a oa skrivagner ha skeudennaouer. Mibien he moereb Sylvia Llewelyn Davies eo ar re o doa awenet J. M. Barrie evit krouiñ Peter Pan. He gwaz Frederick Browning (1896-1965) a oa pennletanant e Lu Breizh-Veur. Dimeziñ a rejont e 1932, ha tri bugel o doe.

He oberenn, skrivet e saozneg, deskrivet evel romantel gant ul liv lezreol, a reas berzh bras en he c'houlz. E-touez he oberennoù brudetañ bet azasaet er sinema emañ ar romantoù Rebecca (1938), Frenchman's Creek (1941), My Cousin Rachel (1951) ha Jamaica Inn (1936), hag ar c'hanevellennoù The Birds (1963) ha Don't Look Now (1971). Azesaet e voe tri levr anezhi gant Alfred Hitchcock.

Tost e oa kalon Daphne du Maurier ouzh Kerne-Veur, ur vro lec'h ma vevas al lodenn vrasañ eus he buhez ha hag a voe lec'h tost holl he skridoù. He romant istorel Castle Dor (1961) zo awenet gant mojenn Tristan hag Izold met a c'hoarvez e Kerne-Veur an XIX^vet kantved, ha kontañ a ra istor ur Jonig deuet eus Breizh. Emezeliñ a reas d'ar strollad politikel broadelour Mebyon Kernow e 1967, ha skrivañ e reas en e gazetenn Cornish Nation.

An ti lec'h ma chomas Daphne du Maurier etre 1943 ha 1969, anvet Menabilly (Men Ebeli e kerneveureg, "Maen an Ebeulien").

Oberennoù

Faltazi

Romantoù

• The Loving Spirit (1931)
• I'll Never Be Young Again (1932)
• The Progress of Julius (1933) (adembannet goude evel Julius)
• Jamaica Inn (1936)
• Rebecca (1938)
• Frenchman's Creek (1941)
• Hungry Hill (1943)
• The King's General (1946)
• The Parasites (1949)
• My Cousin Rachel (1951)
• Mary Anne (1954)
• The Scapegoat (1957)
• Castle Dor (1961) (gant Sir Arthur Quiller-Couch)
• The Glass-Blowers (1963)
• The Flight of the Falcon (1965)
• The House on the Strand (1969)
• Rule Britannia (1972)

Pezhioù-c'hoari

• Rebecca (1940) (ar romant azasaet e pezh-c'hoari)
• The Years Between (1945) (pezh-c'hoari)
• September Tide (1948) (pezh-c'hoari)

Faltazi berr

• Happy Christmas (1940) (kevellenn)

Dastumadoù faltazi berr

• The Apple Tree (1952); titlet Kiss Me Again, Stranger (1953) en SUA, daou istor oupzhpenn e-barzh; adembannet diwezatoc'h gant an titl The Birds and Other Stories
• Early Stories (1959) (istorioù skrivet etre 1927 ha 1930)
• The Breaking Point (1959) (AKA The Blue Lenses)
• The Birds and Other Stories (1963) (adembann The Apple Tree)
• Not After Midnight (1971); embannet dindan an titl Don't Look Now en SUA ha goude ivez er RU
• The Rendezvous and Other Stories (1980)
• Classics of the Macabre (1987) (antologiez istorioù kent, skeudennaouet gant Michael Foreman, AKA Echoes from the Macabre: Selected Stories)
• Don't Look Now (2008) (antologiezh nevez embannet gant New York Review Books)
• The Doll: The Lost Short Stories (2011) (kevellennoù kent)

Skridoù ket faltazi

• Gerald: A Portrait (1934)
• The du Mauriers (1937)
• "A Writer Is a Strange Creature" gant ar gelaouenn stadunanat The Writer (miz Du 1938)
• Come Wind, Come Weather (1940) (istorioù gwir Saozon boutin e-pad an Eil Brezel-bed)
• The Young George du Maurier: a selection of his letters 1860–67 (1951)
• The Infernal World of Branwell Brontë (1960)
• Vanishing Cornwall (1967) (fotoioù gant e vab Christian e-barzh)
• Golden Lads: Sir Francis Bacon, Anthony Bacon and their Friends (1975)
• The Winding Stair: Francis Bacon, His Rise and Fall (1976)
• Growing Pains – the Shaping of a Writer (1977) (a.k.a. Myself When Young – the Shaping of a Writer)
• The Rebecca Notebook and Other Memories (1983)
• Enchanted Cornwall (1989)

Liammoù diavaez

• Daphne du Maurier gant ar British Library
• atersadenn e 1971 gant ar BBC (ul liamm all)
• He skridoù
• dumaurier.org – titouroù klok
• Dastumadoù Daphne du Maurier gant Skol-veur Exeter

Porched al Lennegezh – Gwelit ar pennadoù hag ar rummadoù diwar-benn al lennegezhioù.