Eszett

Eszett pe scharfes s («s lemm») a zo anv ul lizherenn latin ispisial skrivet ß implijet evit skrivañ an alamaneg. N'he deus al lizherenn-mañ stumm ispisial ebet evit ober diouzh ar bennlizherenn.

ß

Diorroet e oa bet al lizherenn-mañ diouzh un s hir (ſ) skrivet stag ouzh un s berr (s) pe ouzh ur z.

Implijet eo bet ar skritur ſ + z → ß en alamaneg abaoe ar Grennamzer ha hervez reolennoù reizhskrivañ an alamaneg a-vremañ e vez implijet ß goude ur vogalenn hir ha ss goude ur vogalenn verr, da skouer Fuß (/fuːs/, «troad») ha Fluss (/flʊs/, «stêr»). E Suis hag e Liechtenstein avat ne vez ket implijet ß ken abaoe kentañ hanterenn an XX^vet kantved, ha graet e vez gant ss en e lec'h.

Implijet e veze ivez ar skritur ſ + s → ß e lec'h s e galleg pa veze skrivet gant an dorn betek ar XVIII^vet kantved.

Lizherenneg latin

Aa · Bb · Cc · Dd · Ee · Ff · Gg · Hh · Ii · Jj · Kk · Ll · Mm · Nn · Oo · Pp · Qq · Rr · Ss · Tt · Uu · Vv · Ww · Xx · Yy  · Zz

Porched ar yezhoù hag ar skriturioù Adkavit pennadoù Wikipedia a denn d'ar yezhoù.