Faidra
Faidra (Φαίδρα / Phaídra e gregach) a oa merc'h d'ar roue Minos, roue Kreta, ha d'e bried Pasifae. C'hoar e oa da Ariadne, Deukalion ha Glaokos. Dimeziñ a reas da Dheseüs, roue Aten, en devoa dilezet he c'hoar Ariadne.
Neuze ec'h orgedas ouzh he lezvab, Hippolytos, a oa mab da Dheseüs ha da Antiope, rouanez an Amazonezed. Ur gabestrenn he doe digantañ avat, ma klaskas ober un dro lous dezhañ. Tamall a reas anezhañ da vezañ klasket he gwallañ.
Ha Theseüs, savet kounnar ennañ, a c'houlennas digant Poseidon, a dlee tri gouestl dezhañ, teurel e vallozh war e vab. Neuze, p'edo ar paotr yaouank gant e garr hag e gezeg, e tirollas an anevaled, hag e voe flastret ar paotr gant e garr. En em lazhañ a reas Faidra gant ar glac'har hag ar morc'hed.
Lennegezh
kemmañKontet eo bet an istor gant Euripides, en un doare un tamm disheñvel en e bezh Hippolytos a zoug ar gurunenn.
Awenet eo bet ivez Seneca hag ar Gall Jean Racine gant ar vojenn, ha betek an XXvet kantved e veze desket dre an eñvor gwerzennoù gallek Phèdre e skolajoù Breizh.
Levrlennadur
kemmañ- Apollodoros, Bibliotheke (III, 1, 2), Epitome (I, 17-18).
- Diodoros Sikilia (IV, 28 ha goude ; IV, 62, 3).
- Euripides, Hippolytos a zoug ar gurunenn.
- Homeros, Odysseia (XI, 321).
- Hyginus, Fablennoù (XLIII ; CCXLIII).
- Nonnos Panopolis, Dionysiaca (XLVIII, 536).
- Paosanias ar Beajour, Deskrivadur Hellaz (I, 22, 1).
- Vergilius, Aeneis (VI, 445).
