Fernando III Kastilha

Fernando III Kastilha (Peleas de Arriba, Zamora pe Bolaños de Calatrava, Ciudad Real, 1199 – Sevilla, 1252), lesanvet el Santo (anvet e voe da sant) a oa roue Kastilha (1217 – 1252) ha roue León (1230 – 1252).

Mab e oa da Berenguela Iañ, rouanez Kastilha, ha da Alfonso IX León. Gantañ e voe unanet da vat kurunennoù Kastilha, ha hini León, disrannet abaoe amzer Alfonso VII el Emperador, pa rannas e zomani etre e zaou vab, an infanted Sancho III Kastilha ha Fernando II León.

Dimezioù ha bugale

Monument da Fernando III el Santo en Baeza.

Div wech e timezas:

da Beatrix Souabia e 1219, ha dezho bugale

Alfonso X Kastilha (1221-1284), roue Kastilha ha León, war-lerc'h e dad Fernando III; dimezet da Violante Aragon (1236-1301).
Fadrique Kastilha (1224-1277). Lakaet d'ar marv en 1277 war urzh e vreur, Alfonso X el Sabio ha beziet er manati ar Santísima Trinidad de Burgos.
Fernando de Castilla (1225–1248). Marvet o vrezelién e Sevilla en 1248.
Leonor Kastilha (1226-¿?), marvet en yaouank.
Berenguela (1228–1279), leanez e Manati Santa María la Real de Las Huelgas en Burgos ha beziet eno.
Enrique Kastilha ''el Senador'' (1230-1303). Goude e chomadenn e Tunis,e voe anvet da Senador Roma gant ar pab Klemez IV.
Felipe Kastilha (1231–1274), arc'heskob Sevilla, beziet en Iglesia de Santa María la Blanca de Villalcázar de Sirga.
Sancho de Castilla (1233–1261). arc'heskob Toledo ha Sevilla.
Manuel Kastilha (1234-1283), aotrou Villena, Escalona, Peñafiel, Elche, Santa Olalla, Agreda, Roa, Cuéllar, Chinchilla, Aspe ha Beas.
María (1235-1235), beziet e Colegiata de San Isidoro de León.

Goude marv Beatriz de Suabia,ec'h addimezas Fernando e Burgos en 1237 da Juana de Ponthieu ha dezho bugale:

Fernando de Castilla (1238–¿?), kont Aumale ha baron Montgomery, marvet en Gall.
Leonor Kastilha (1240-1290), dimezet da Edouarzh Iañ, mamm da Edouarzh II.
Luis Kastilha, aotrou Marchena ha Zuheros; dimezet da Juana Gómez de Manzanedo.
Jimeno Kastilha (1244-¿?). marvet en yaouank, beziet marteze e Manati Santa Fe Toledo.
Juan (1245-1245). Marvet tostik goude ganet, ha beziet e Mezquita-Catedral Córdoba.