Francesco II Sforza


Francesco II Sforza (1495 - 1535) a voe dug Milano eus 1530 betek e varv e 1535 goude marv e vreur, an dug Massimiliano Sforza .

Francesco II Sforza
den
Reizh pe jenerpaotr Kemmañ
Anv-bihanFrancesco Kemmañ
Anv-familhSforza Kemmañ
Titl noblañsdug Kemmañ
Deiziad ganedigezh4 C'hwe 1495 Kemmañ
Lec'h ganedigezhMilano Kemmañ
Deiziad ar marv24 Her 1535 Kemmañ
Lec'h ar marvVigevano Kemmañ
Lec'h douaridigezhMilan Cathedral Kemmañ
TadLudovico Sforza Kemmañ
MammBeatrice d'Este (1475-1497) Kemmañ
Breur pe c'hoarMassimiliano Sforza, Giovanni Paolo Sforza Kemmañ
PriedKristina Danmark Kemmañ
FamilhTiegezh Sforza Kemmañ
Den heverkErasmus Kemmañ
Yezhoù komzet pe skrivetitalianeg Kemmañ
Michermonark, monark Kemmañ
Kargduke of Milan Kemmañ
Francesco II Sforza, navet dug Milano
E dad, Ludovico Sforza, pe Ludovico il Moro
E vamm Beatrice d'Este (1475-1497)

E vuhez

kemmañ

Eil mab Ludovico Sforza (1452-1508) ha Beatrice d'Este (1475-1497) e oa. E vamm a oa merc'h da Ercole Iañ d'Este (1431-1505), dug Ferrara, Modena ha Reggio d'Émilia, ha da Eleonora di Napoli (1450-1493); daou vloaz e oa Francesco pa varvas e vamm er gwilioud e 1497.

Pa voe trec'het Ludovico gant ar C'hallaoued, ma rankas tec'hel eus Milano, ez eas gant e vab Francesco da lez an impalaer santel Masimilian Iañ, a oa dimezet d'ur geniterv da Francesco, Bianca Maria Sforza.

Prizoniet e voe e dad gant ar C'hallaoued, kaset da Loches gant Loeiz XII, ha mervel a reas eno e 1508.

E vreur Massimiliano Sforza, daou vloaz koshoc'h egetañ, a voe dug dre ziv wech, e 1512 hag e 1529. A-hend-all en doa ur ribitailh hantervreudeur ha hanterc'hoarezed diwar serc'hed e dad. Pa oa e vreur da vezañ dug e oa-eñ da vont war-du ar velegiezh.


Perzh a gemeras e Kevre Cognac a-enep an impalaer Karl V, hag en emgann Bicocca e 1522. E 1526 e kemeras perzh adarre en ur C'hevread Santel gant ar roue gall Frañsez Iañ, ar pab Clement VII ha Republik Firenze, ha gronnet e voe e greñvlec'h, ar c'h-Castello Sforzesco, gant e enebourien.

E 1530 e voe kurunennet Karl V, impalaer santel e Bologna. Divizout a reas adsevel galloud ar re Sforza e dugelezh Milano ha skoulmañ darempredoù gante dre zimeziñ ur plac'h Habsbourg dezhe.

Dimeziñ

kemmañ

Dimeziñ a reas Francesco da gKristina Danmark, nizez da gKarl V e 1534; 39 bloaz e oa-eñ, 14 vloaz e oa ar plac'h. Ne greder ket e voe kaset an dimeziñ da benn. Er bloaz war-lerc'h e varvas an dug.

Divugel e oa Francesco ha distreiñ a reas dugelezh Milano etre daouarn an Impalaer santel, a oa tad-kaer dezhañ. Gantañ e echuas gouenn ar re Sforza. Brezel a voe avat e 1535: e vreur Giovanni Paolo Sforza a c'houlennas kaout an dugelezh met mervel a reas a-daol-trumm en un doare iskis.

 
Karl V