Garona

Ar Garona (Garona en okitaneg, katalaneg ha spagnoleg, Garonne e galleg) zo ur stêr en Okitania.
Eieniñ a ra er Pireneoù, e Plan de Beret, en ul lec'h anvet Uelh deth Garona, e Traoñienn Aran (al lodenn okitanek eus Kumuniezh Emren Katalonia) ; goude un 40 kilometr bennak ec'h antren e Republik Frañs, ha tremen a ra dre gêrioù Toloza, Agen ha Bourdel a-raok degouezhout gant an Dordogna ha stummañ neuze aber ar Gironde (Gironda en okitaneg) a-raok en em deurel er Meurvor Atlantel.

Red ar Garona.

Adstêrioù

Eus e eienenn d'ar mor e teu dezhañ ar stêrioù-mañ :

ar Maudan ar Pica an Orsa ar Nesta ar Ger

an Noua ar Salat ar Volp an Arisa al Lojo

an Arièja ar Toish ar Maltemps an Aussonèla ar Sava

ar Gimona an Hers Mòrt ar Sera an Tarn an Arrats

ar Bargalona| an Auroa ar Seuna ar Gers ar Baïsa

an Òlt ar Tolzac an Avanca an Dròt ar Ciron

ar Ga Mòrt an Devesa ar Jala de Blancafòrt an Dordogna

Kreizennoù nukleel

Div greizenn nukleel zo war e lezioù, hini ar Blayais, e-kichen Blaye (33) ha hini Golfech, nepell diouzh Toloza (82).