HD 28185
| Fedoù-sellout Marevezh J2000.0 | ||
|---|---|---|
| Steredeg | Eridan | |
| Uhelder | 04h 26m 26.3205s | |
| Hedred | -10° 33' 02.955" | |
| Sked hewel (V) | +7.81 | |
| Perzhioù | ||
| Renk spektrek | G5V | |
| B-V Indeks livek | 0.750 | |
| U-B Indeks livek | ? | |
| Doare a steredenn gemmus | ket | |
| Astrometriezh | ||
| Tizh a-gostez (Rv) | 49.6 km/s | |
| Tizh (μ) | RA: 80.85 mas/bloaz Dec.: -60.29 mas/bloaz | |
| Parallaks (π) | 25.28 ± 1.08 mas | |
| Pellder | 129 bg (39.6 pk) | |
| Sked gwir (MV) | +4.81 | |
| Munudoù | ||
| Mas | 0.99 ± 0.07 M☉ | |
| Radius | 1.04 R☉ | |
| Sked | 1.02 L☉ | |
| Temperatur | - K | |
| Metalekder | 173% | |
| Prantad troiñ | 30 devez | |
| Oad | 7.5 × 109 bloavezh | |
| Anvioù arall | ||
| Daveoù | ||
| SIMBAD | fedoù
|
|
Ur steredenn velen heñvel ouzh an Heol eo HD 28185. Er steredeg Eridan emañ, 129 bloavezh-gouloù diouzhimp. E 2001 e oa bet kavet he doa ur blanedenn hag a zo he c'helc'htro damheñvel ouzh hini an Douar, HD 28185 b hec'h anv.
Perzhioù
kemmañAn hevelep mas ha sked hag an Heol he deus HD 21885 met un tamm yenoc'h eo. Evel an darn vrasañ eus ar stered gant ezplanedennoù eo-hi pinvidikoc'h e metaloù eget an Heol.1,73 muioc'h a houarn egetañ a endalc'h-hi. He zroadenn a zo goustatoc'h eget hini an Heol : 30 devezh e-kenver 25,4 devez.
N'ouzer ket mat pe oad eo HD 28185 b. Kalz oberusoc'h eget hini an Heol eo he c'hromosfer, ar pezh a c'hellfe talvezout ez eo-hi yaouankoc'h : war dro 2,9 miliard bloavezh. He sked, tost a-walc'h ouzh hini an Heol a laka da soñjal eo kalz koshoc'h, avat, marteze war dro 7,5 miliard bloavezh.
Koskoriad planedennek
kemmañ
Un ezplanedenn, 28185 b hec'h anv, a oa bet kavet war-dro HD 28185. Ur beriodenn eus 1.04 bloavezh he-deus ha kalz bihanoc'h eget hini an darn vrasañ eus an ezplanedennoù arall eo hec'h ezkreizegezh. E kreiz ar c'helc'hiad annezus emañ ha posupl eo ez eus dour liñvel war unan eus he loarennoù.
Hervez ur studi nevez gant Chauvin he-defe HD 28185 ur c'heneil planedennek arall.
| Planedenn (A-ziwar ar steredenn) |
Tolzenn (MJ) |
Period (devezh) |
Radius krenn (UA) |
Ezkreizegezh |
|---|---|---|---|---|
| b | >5.72 ± 0.93 | 383.0 ± 2.0 | 1.031 ± 0.060 | 0.070 ± 0.040 |
Loarennoù annezus
kemmañLec'hiadur HD 28185 b e kreiz ar c'helc'hiad annezus hag hec'h ezkreizegezh vihan eñ-deus kennerzhet poelladoù diwar-benn loarennoù annezus. N'ouzer ket m'he-deus loarennoù HD 28185 b, met ur studi nevez a ziskouez ne c'hellfent ket o tolzenn bezañ brasoc'h eget 0,001% eus hec'h hini [1]. Tostoc'h e vefent, neuze, loarennoù HD ouzh Meurzh eget ouzh an Douar, zoken ma'z eo posupl unan anezho eo bras a-walc'h da virout un atmosferenn zamdev ha donvorioù.
Liammoù diavaez
kemmañ- SIMBAD: HD 28185 -- Star
- Extrasolar Planets Encyclopaedia: Notennoù evit ar steredenn HD 28185
- Extrasolar Visions: HD 28185