Hilderaldo Luís Bellini

Hilderaldo Luís Bellini (pell anavezetoc'h evel Bellini), bet ganet d'ar 7 a viz Mezheven 1930 en Itapira (São Paulo, Brazil) hag aet da Anaon d'an 20 a viz Meurzh 2014 e São Paulo (Brazil), a oa ur melldroader etrebroadel brazilian.

Bellini e 2008.

Ur wech ha hanter-kant en devoa douget krez gwer hag aour A Seleção etre 1957 ha 1966, hep merkañ pal ebet.

Kib vell-droad ar bed

Difenner kreiz e bost dezhañ war an dachenn, kemeret en devoa perzh Bellini e tri dalc'h :

• Kib vell-droad ar bed 1958 bet aozet e Sveden ma oa aet ar maout gant skipailh broadel Brazil evit ar wech kentañ. Kabiten e oa eus ar skipailh – Gilmar - Djalma Santos, Bellini, Nílton Santos, Zito - Orlando Peçanha, Garrincha - Didi, Vavá, Pelé, Mário Zagallo – a c'hounezas (5-2) ar gourfenn ouzh hini Sveden e Råsunda fotbollsstadion (Solna) d'an 29 a viz Mezheven 1958,
• Kib vell-droad ar bed 1962 bet aozet e Chile ma oa aet ar maout gant skipailh broadel Brazil evit an eil gwech,
• Kib vell-droad ar bed 1966 bet aozet e Bro-Saoz.