Orlando Peçanha de Carvalho

Orlando Peçanha de Carvalho (pell anavezetoc'h evel Orlando Peçanha pe Orlando), bet ganet d'an 20 a viz Gwengolo 1935 e Niterói (Rio de Janeiro (stad), Brazil) hag aet da Anaon d'an 10 a viz C'hwevrer 2010 e Rio de Janeiro (Brazil), a oa ur melldroader etrebroadel brazilian.

Orlando Peçanha e 1958
(e kreiz, o lammat).

Tregont gwech en devoa douget krez gwer hag aour A Seleção etre 1958 ha 1966, hep merkañ pal ebet.

Kib vell-droad ar bed

Difenner e bost dezhañ war an dachenn, kemeret en devoa perzh Orlando e daou zalc'h :

• Kib vell-droad ar bed 1958 bet aozet e Sveden ma oa aet ar maout gant skipailh broadel Brazil evit ar wech kentañ. Perzh e oa eus ar skipailh – Gilmar - Djalma Santos, Bellini, Nílton Santos, Zito - Orlando Peçanha, Garrincha - Didi, Vavá, Pelé, Mário Zagallo – a c'hounezas (5-2) ar gourfenn ouzh hini Sveden e Råsunda fotbollsstadion (Solna) d'an 29 a viz Mezheven 1958,
• Kib vell-droad ar bed 1966 bet aozet e Bro-Saoz.