Hiram Berdan

Hiram Berdan, ganet d’ar 6 a viz Gwengolo 1824 e Phelps (Stad New York) ha marvet d’ar 31 a viz Meurzh 1893, a oa un ijinour, un tenner hag ur soudard en Arme ar Stadoù-Unanet.

Hiram Berdan

den

Reizh pe jener	paotr
Bro ar geodedouriezh	Stadoù-Unanet
Anv-bihan	Hiram
Deiziad ganedigezh	6 Gwe 1824
Lec'h ganedigezh	Ontario County
Deiziad ar marv	31 Meu 1893
Lec'h ar marv	Stadoù-Unanet
Doare mervel	abeg naturel
Abeg ar marv	myocardial infarction
Lec'h douaridigezh	Bered vroadel Arlington
Micher	milour, inventor
Deroù ar prantad labour	1861
Grad milourel	jeneral
Brezel	Brezel diabarzh Stadoù-Unanet Amerika
Skour lu	troadegiezh

Degasadennoù

Brudet eo evit bezañ degaset kalz nevezintioù d'ar c’hartouchennoù implijet en armoù-tan hiniennel betek hiziv. Kinnig a reas sevel o douilhez e laton evel bremañ, ha n'eo ket gant kouevr ken, hag a oa un danvez na c'halle ket talañ ouzh tommadur ha gwask ar gazoù da vare tarzhadenn ar poultr. Berdan a ijinas ivez ur sistem emorsiñ enbarzhet en douilhez, hag a zo unan eus an daou implijet er bed hiziv, goude an hini krouet gant ar Saoz Edward M. Boxer. Hiram Berdan en deus marilhet ur breou evit meur a arm-tan ivez. An hini brudetañ anezhe eo ar fuzuilh Berdan, deuet da vezañ arm standart troadegiezh an Impaleriezh rusian etre 1870 ha 1891.

Ouzhpenn d'e ijinadennoù e stourmas Hiram Berdan e tu an Unaniezh da vare ar brezel diabarzh er Stadoù-Unanet. Evel koronal e renas war daou rejimant en doa krouet gant souten Abraham Lincoln, ar 1st hag ar 2nd United States Sharpshooters. An unvezioù-mañ, enne tennerien-resisted, a oa karget da lazhañ a-bell ofiserien pe kanolierien enebour. Unan eus skouerioù kentañ implij unvezioù sniperien savet a ratozh-kaer eo en istor ar brezelioù.

Marv

Mont a reas da Anaon trumm d'an 31 a viz Meurzh 1893, ha beziet e voe e Bered Vroadel Arlington.

Daveennoù

  Stag eo ar bajenn-mañ ouzh Porched an Armoù-tan