Ikaros

Arabat droukveskañ gant Ikarios.

---

Ikaros (Ἴκαρος /Ikaros e henc'hresianeg) a oa mab d'an tisavour Daidalos ha d'ar sklavez kretat Naukrate. Anavezet eo dreist-holl abalamour m'en doa nijet re dost d'an heol.

Ikaros ha Daidalos gant Frederic Leighton.

Mojenn

Ikaros hag e dad a oa o klask tec'hout rak fulor ar roue Minos. Bac'het e oant er Milendall goude tec'h Theseüs. Daidalos a felle dezhañ distreiñ da Aten, e gêr c'henidik.

Hervez doare anavezetañ ar vojenn, Daidalos a savas eskell, heñvel ouzh re an evned, gant pluñv ha koar. Kenteliañ a reas e vab ha berzañ outañ tostaat d'an heol met Ikaros, trevariet e spered gant e nijadenn, a bignas re uhel. Tostaat a reas d'an heol a lakaas ar c'hoar a zalc'he e eskell en o stumm da deuziñ tamm-ha-tamm. A-benn ar fin e torrjont hag e kouezhas er mor.

Doare Pausanias

Hervez Paosanias e oa tec'het Ikaros ha Daidalos eus Kreta war vor, gant bigi bihan, hag ijinet e oa bet ar ouel gant Daidalos evit se. Ikaros avat ne oa ket ur moraer gwall ampart ha mont a reas d'ar strad nepell diouzh Samos.
Gant Herakles e voe kavet e gorf war an aod.

Displeg

E diazez mojenn Ikaros emañ an darempredoù etre tad ha mab, efedoù an alioù hag an disentiñ ha c'hoant an den da vont bepred pelloc'h daoust d'an natur.

Pennadoù kar

Ikaros, livet gant Hendrik Goltzius

• Daidalos
• An daolenn Lamm Ikaros gant Pieter Brueghel gozh
• Ar Milendall

Liammoù diavaez

• Daidalos hag Ikaros hervez Metamorfozoù Ovidius,testenn ha displegadennoù.