Koad Mesnil

Koad Mesnil
An daol-vaen "Maison des fées" (ti ar boudiged) e koad Mesnil.
Anv gallek	Forêt du Mesnil
Melestradurezh
Bro	Bro-Zol
Departamant	Il-ha-Gwilen
Kumun	Mesnil-Roc'h (Trese, Lanhelen), Ar Granneg, Minieg-Morvan ha Bonmaen
Gwarez	TNLELP
Statud	Koadeg-domani
Douaroniezh
Daveennoù lec'hiañ	48° 29′ 13″ N, 1° 50′ 07″ K
Gorread	702 ha
Uhelderioù	bihanañ 43 m — brasañ 76 m
Gwez	Derv, faou, pin

Koad Mesnil zo ur goadeg e biz Breizh, e kumun nevez Mesnil-Roc'h hag Ar Granneg en Il-ha-Gwilen hag e Bro-Zol. En em astenn a ra war 702 hektar ha meret eo gant Ofis Broadel ar C'hoadeier.

Geografiezh

Emañ koad Mesnil er gevred da aber ar Renk ha nepell diouzh koad Koetken er mervent.

Treuzet eo ar c'hoad a norzh da su gant an hent-departamant 73 a stag Komborn ouzh Sant-Maloù, hag a reter da gornôg gant an hent-departamant 9 a stag Ar Granneg ouzh Trese.

Istor

Perc'henn e oa Robert Surcouf war ar c'hoad ha chaseal a rae eno. Prenet e oa bet gant ar stad c'hall e 1933 ha deuet eo da vezañ ur goadeg-domani meret gant Ofis Broadel ar C'hoadeier.

Monumantoù ha traoù heverk

Ti ar boudiged

E kornôg ar c'hoad, nepell diouzh kêr Dres, emañ an daol-vaen "la maison des fées" (ti ar boudiged), un alez toet bet rummet monumant istorel abaoe 1886. Furchadegoù zo bet graet hag adkempennet eo bet e 1931.