Levrierezh

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Gwerzhañ a-vunut levrioù a zo ober war-dro al levrierezh hag penn diwezhañ dasparzhañ an embannerezh eo. Levrierien eo anv an dud a labour er vicher gwerzhañ levrioù war hir termen.

Istor

E Henroma, er 1añ kantved araok Krist e voe ar giz, e-touez ar pennadurezhioù, sevel ul levraoueg prevez ha diwar-se e tiwanas un obererezh kenwerzhel evit klask hag adwerzhañ levrioù. E tro ar milved e voe savet levraouegoù foran a desache o levrioù war rolloù diwar ur gennad kenwerzhel kreñvoc’h ha ledanoc’h e rouedadoù.
Diwar berzh ar relijion kristen e kreskas ar goulenn evit al levrioù, avieloù, bibloù, addisplegoù, ha skridoù evit al liderezhioù, koulz evit ezhommoù an Iliz ha re an dud prevez. Krouidigezh an deskadurezh uhel dindan paeroniezh an eskibien en 12vet kantved a vroudas kenwerzh al levrioù eilskrivet war parch.
Pelloc’h, pa voe ijinet ar moullañ e teuas war wel embregerezhioù nevez a c’helle klask testennoù da embann, o lakaat da vezañ moullet hag o gwerzhañ o-unan, ha ne chome ket hep kinnig ober ar gwerzh a-vunut da levrierien all, o werzhañ hepken.
E-doug ar XVIvet-XVIIvet kantved e voe savet en Izelvroioù ur benngreizenn evit al '’levrierezh, ha e kreskas e bouez diwar kontrollerezh ar moulladurioù a renas e meur a Stad e Europa.

Un emdroadur bras a voe broudet gant diorroadur ar c’hehentiñ dre Internet pa voe savet rouedadoù elektronek kenwerzhel war ur ment bedel.

Pennadoù nes

• Levraoueg
• Moullañ