Levrioù Erell

Levrioù Erell zo un dastumad levrioù skrivet ha skeudennaouet gant Angharad Tomos.

Rala Rwdins a vez graet anezho e Kembre.

Embannet e oa bet 12 levr kentañ an dastumad e brezhoneg gant An Here.

Gwerzh

Seblantout a ra an daou gentañ bezañ bet peurwerzhet.
Poan a vez o kavout ar re all, koulskoude e chome kantadoù anezho e 2009.

Levrioù an dastumad

1. Katell Skubell (1990, troet gant Morwenna Jenkin ha Martial Ménard)
2. Katell Spanell (1990, troet gant Morwenna Jenkin ha Martial Ménard)
3. Lazhañ an Heol (1990, troet gant Morwenna Jenkin ha Martial Ménard)
4. An Hudourig Brell (1990, troet gant Morwenna Jenkin ha Martial Ménard)
5. Moanig Vihan (1990, troet gant Morwenna Jenkin ha Martial Ménard)
6. Gouel kala-goañv (1991, troet gant Morwenna Jenkin ha Martial Ménard)
7. Un Devezh Kannañ (1991, troet gant Morwenna Jenkin ha Martial Ménard)
8. Glebigell (1991, troet gant Morwenna Jenkin ha Martial Ménard)
9. Tomm, tomm, tomm ! (1992, troet gant Herve Bihan ha Martial Ménard)
10. Didrouz-kaer... (1992, troet gant Herve Bihan ha Martial Ménard)
11. Korventenn (1992, troet gant Herve Bihan ha Martial Ménard)
12. C'hwil Laouen (1992, troet gant Herve Bihan ha Martial Ménard)

Nebeud a verzh

Nebeud a verzh o deus graet al levrioù e Breizh, pa reont berzh ken-ha-ken e Kembre.
War a seblant ne blijont ket d'an dud vras, kustum ouzh levrioù an embannerien c'hallek, paper lufr ha livioù flamm ^{(Ali personel)}

. Kavet eo bet un tamm diaes ha re binvidik ar brezhoneg enne ivez.

Koulskoude e plij ar bed-se d'ar vugale peurvuiañ, da re Vreizh evel da re Gembre, pa vez kinniget dezho, ur bed a faltazi pell diouzh ar pemdez ha diouzh bed an dud vras peurvuiañ.

Brud

Ouzhpenn-se n'eus ket bet klasket brudañ anezho ivez evel ma oar ober Kembreiz, gant aktourien o vont a skol da skol da c'hoari an istorioù, ar skrivagnerez o kaozeal gant tud ar vugale, abadennoù er skinwel, filmoù, pladennoù.

Gwir eo ivez ne vez ket brudet, na klasket brudañ al levrioù brezhonek evit ar vugale e skolioù Breizh.