Luiz Felipe Scolari

Luiz Felipe Scolari (lesanvet Felipão), bet ganet d'an 9 a viz Du 1948 e Passo Fundo (Rio Grande do Sul, Brazil), a zo bet ur melldroader brazilian a orin italian.

Difenner kreiz e bost dezhañ war an dachenn n'en deus c'hoariet nemet e kleuboù eus Brazil hep bezañ aet da c'hoarier etrebroadel biskoazh.

Brud en deus tapet kentoc'h evel gourdoner skipailh broadel Brazil (2001-2002), skipailh broadel Portugal (2002-2008), Chelsea F.C. (Londrez, Bro-Saoz) (2008-2009) ha skipailh broadel Brazil adarre adalek 2012 betek 2014.

Kib vell-droad ar bed (evel gourdoner)

Kemeret en devoa perzh e tri dalc'h :

2002 bet aozet e Japan ha Republik Korea : aet ar maout gantañ ha Brazil,
2006 bet aozet en Alamagn : bet tapet ar pedervet renk gantañ ha Portugal,
2014 bet aozet e Brazil : kaset en deus e skipailh betek an hanterc'hourfennoù m'eo bet louzet 1-7 gant skipailh Alamagn e Belo Horizonte. N'en deus kemeret nemet ar pevarvet plas, trec'het ma'z eo bet 0-3 gant skipailh Izelvroioù e Brasília. Degemeret eo bet dilez Scolari gant José Maria Marin, prezidant Confederação Brasileira de Futebol (CBF), d'ar 15 a viz Gouere, da-heul an div c'hwitadenn-se. Erlec'hiet eo bet gant Dunga.