Mannlicher M1895
Ar Mannlicher Modell 1895 a zo ur fuzuilh tennata dre zorn ijinet gant Ferdinand Mannlicher e 1895 hag implijet evel arm standart arme Aostria-Hungaria eus 1895 betek 1918.
| Mannlicher M1895 | |
|---|---|
 Ur fuzuilh Mannlicher M1895 (Armémuseum, Stockholm, Sveden) | |
| Kinnig | |
| Bro | .svg){kind=small} Aostria-Hungaria
|
| Doare | Fuzuilh |
| Mont en-dro | Tennata dre zorn, dre vorailh linennek |
| Munisionoù | 8 × 50 mm Mannlicher (da gentañ) 8 × 56 mm 7,92 × 57 mm Mauser |
| Bloavezh krouidigezh | 1895 |
| Ijiner | Ferdinand Mannlicher |
| Produerien | Steyr-Mannlicher Zbrojovka Brno Fegyver- és Gépgyár |
| Mare produiñ | 1895–1920 |
| Skouerennoù produet | War-dro 3,5 milion |
| Mare implij | 1895–1918 (Aostria-Hungaria) |
| Pouez ha muzulioù | |
| Mas (hep kartouchenn) | 3,78 kg (stumm fuzuilh) 3,4 kg (stumm karabinenn) |
| Hirder | 1.272 mm (stumm fuzuilh) 1.003 mm (stumm karabinenn) |
| Hirder ar c'hanol | 765 mm (stumm fuzuilh) 500 mm (stumm karabinenn) |
| Perzhioù all | |
| Tizh mont e-maez ar boledoù | 620 m/s (e 8 × 50 mm Mannlicher) |
| Endalc'h | Karger diabarzh 5 kartouchenn pourveziet gant ur c'hlip |
| Lezenn | |
| Rummad e Bro-C'hall | C |
Deskrivadur
kemmañAr Mannlicher M1895 a oa dezhi ur gulasenn-vorailh linennek ijinet evit ar fuzuilh Mannlicher 1885. Trawalc'h e oa sachañ ha bountañ prim war ar vorailh evit tennañ an douilhez kuit ha kambriñ ur munision nevez[1]. Ganti e c'halle ur soudard gourdonet-mat tennañ pemp boled dindan pemp segondenn[2]. Kambret e oa e 8 × 50 mm Mannlicher en he stumm kentañ.
Implij
kemmañServijout a reas an arm e arme Aostria-Hungaria betek fin ar Brezel-bed Kentañ ha dismantr an Impalaeriezh kreizeuropean. Implijet e voe ivez e armeoù Gres, Yougoslavia hag Hungaria[2].
Er sevenadur
kemmañLesanvet e voe an arm Ruck-Zuck (sach-bount) gant ar soudarded aostrian-hungarat, ha Ta-pum gant ar soudarded italian, abalamour da zaou drouz ar boled o vont kuit hag oc'h erruiñ betek o divskouarnioù prestik goude. Ur ganaouenn boblek italian anvet diwar an droienn-mañ a voe savet da vare ar brezel[3].
Daveennoù
kemmañ- ↑ '(fr)' ROB Houston, STROYAN Christine (renerezh), Armes à feu de légende, Larousse, 2019, pp. 148-149
- ↑ 2,0 ha2,1 (fr) McNAB Chris, Armes à feu Encyclopédie visuelle, L'Imprévu, 2022, p. 128-129
- ↑ (it) La canzone, war lec'hienn Tapum! (lennet d'ar 17/10/2024)
