Mart Amerika
| |||
|---|---|---|---|
| |||
| Rummatadur filogenetek | |||
| Riezad : | Animalia | ||
| Skourrad : | Chordata | ||
| Kevrennad : | Mammalia | ||
| Urzhad : | Carnivora | ||
| Kerentiad : | Mustelidae | ||
| Iskerentiad : | Mustelinae | ||
| Genad : | Martes | ||
| Anv skiantel | |||
| Martes americana Turton, 1806 | |||
D'ar vevoniezh   e tenn ar pennad-mañ. | |||
Mart Amerika (martes americana) a zo ur bronneg kigdebrer bihan eus kerentiad ar mustelideged. Hervez klaskourien 'zo e furmfe poblañs kornôg Stadoù-Unanet Amerika ur spesad distag, Martes caurina hec'h anv.
Bevañ a ra er c'hoadegoù pin e Kanada hag Alaska hag en un darn eus ar Menezioù Roc'hellek. War zigresk eo aet e boblañs abalamour d'an hemolc'h ha da zistruj e diriad met fonnus eo c'hoazh.
Hir ha moan eo korf mart Amerika ha goloet gant ur vlevenn c'hell. Sklaeroc'h eo e c'houzoug eget ar peurrest eus e gorf. E lost zo hir ha blevek. Begek eo e vin ha damguzh eo e skilfoù, evel re ar c'hizhier, ar pezh a lak anezhañ da bignat aes er gwez. Bez' ez eus torchennigoù dindan e bavioù hag a harp anezhañ da gerzhout war an erc'h.
Un hollzebrer eo. Chaseal a ra anevaled bihan evel gwiñver rous Norzhamerika (Tamiasciurus hudsonicus) met gallout a ra ivez debriñ raned, amprevaned, pesked pe frouezh. Oberiantoc'h eo diouzh an noz, an abardaez hag abred diouzh ar mintin. N'eo ket un aneval a vev a-stroll hag en e-unan e chom en diavaez eus koulz ar parañ a c'hoarvez e-pad an hañv. Ampellaet e vez stagadenn ar vi er mammog ha ganet e vez ar c'helin (etre 1 ha 5) en nevez-amzer war-lerc'h.
Ar pared a zifenn start un dachennad 8 km² well-wazh.
Doñvaet e c'hell bezañ ha mont da loen-ti.
Hemolc'het eo evit e greoñ, heñvel a-walc'h ouzh hini ar sebelinez, met nebeutoc'h eget gwechall. E boblañs a oa digresket kalz e deroù an XXvet kantved met ur politikerezh gwarez en deus roet tro dezhi da greskiñ adarre.
Daveoù
kemmañ- Mustelid Specialist Group (1996). Martes americana. 2006 IUCN Red List of Threatened Species. IUCN 2006. Kavet war 12 May 2006.
- Martes americana war Animal Diversity
- Nowak, Ronald M. (2005). Walker's Carnivores of the World. Baltimore: Johns Hopkins Press. ISBN 0-8018-8032-7