Paul Hausser

Paul Hausser , ganet d'ar 7 a viz Here 1880 hag aet da Anaon d'an 21 a viz Kerzu 1972, a oa ur jeneral alaman ha penn uhel er Waffen-SS. Bez' e voe unan eus diazezerien an aozadur Hilfsgemeinschaft auf Gegenseitigkeit der Angehörigen der ehemaligen Waffen-SS, un aozadur kensikour ha propaganda evit ar Waffen-SS goude an Eil Brezel-bed.

Paul Hausser e 1943.

Hausser a oa bet ofiser en Arme Prusian e-kerzh ar C'hentañ Brezel-bed. Tizhet en doa ar renk a jeneral er Reichsheer, etre an daou vrezel bed. Goude-se e teuas da vezañ ezel eus an SS ha unan eus ar re a savas an aozadur Waffen-SS e voe. E-kerzh an Eil Brezel-bed e pignas betek ar renk a gomandant e penn ur strollad armead. Ren a reas an unvezioù Waffen-SS e-kerzh Trede Emgann C'harkiv, Emgann Koursk ha taol-brezel Normandi. Hausser e oa an ofiser uhelañ er Waffen-SS gant Sepp Dietrich. An diforc'h gant Dietrich a oa e oa Hausser un ofiser uhel gourdonet a-raok mont etrezek an SS.

Goude ar brezel e voe unan eus krouerien ha kentañ degemenner an HIAG, ur strollad lobby nazi a-du gant hêrezh an Trede Reich savet en Alamagn e 1951.